«Art-siadziba» abviaščaje kastynh aktoraŭ i aktorak dla śpiektaklu «Francišak. Sceny z žyćcia dy snoŭ».
Heta budzie ŭžo druhi śpiektakl, jaki stavić «Art-siadziba». Pieršy śpiektakl «Branisłaŭ. Sceny z žyćcia dy snoŭ» vyjšaŭ naprykancy 2015 hoda i mieŭ vialiki pośpiech u Minsku, Pružanach, Homieli i Vilni.
Ciapier my saśpieli da novaj pastanoŭki. U joj my praciahniem temu vybitnych dziejačaŭ biełaruskaha adradžeńnia pačatku XX stahodździa.
Daty praviadzieńnia kastynhaŭ:
13 lutaha (19:00 — 21:00)
18 lutaha (15:00 — 17:00)
19 lutaha (16:00 — 18:00)
20 lutaha (19:00 — 21:00)
26 lutaha (16:00 — 18:00)
Kastynh budzie adbyvacca ŭ pamiaškańni «Art-siadziby» (pr. Niezaležnaści, d. 58, of. 430).
Zapisacca na kastynh možna praz admysłovuju formu.
Da ŭdziełu zaprašajucca prafiesijnyja i nieprafiesijnyja aktory i aktorki, a taksama ludzi, jakija chočuć pasprabavać siabie na vialikaj scenie.
Śpiektakl budzie pryśviečany Francišku Alachnoviču — biełaruskamu teatralnamu dziejaču, dramaturhu, a taksama adnamu sa stvaralnikaŭ prafiesijnaha biełaruskaha teatru.
Novaj pastanoŭkaj «Francišak» my chočam pakazać prablemy sučasnaj biełaruskaj kultury, jakija ŭvieś čas uźnikajuć u ajčynnym teatralnym mastactvie i teatralnaj sistemie, tamu što jana zaraz mocna cenzuravanaja. Taksama my adkryvajem dla hledačoŭ značnyja postaci biełaruskaj historyi, jakija da hetaha času źjaŭlajucca niezaŭvažanymi.
Pa pytańniach nakont kastynhu źviartajciesia na elektronnuju poštu [email protected] ci pa telefonie: +375 (29) 651-78-98.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Kamientary