3D-pryntar «nadrukavaŭ» nadzvyčaj tanny dom usiaho za sutki
Kampanija Apis Cotr, čyje ofisy znachodziacca ŭ Rasii i San-Francyska, pabudavała i pafarbavała pry dapamozie 3D-pryntara dom usiaho za 24 hadziny.
Zvyčajna pry budaŭnictvie takich damoŭ 3D-pryntar «drukuje» jaho kampanienty zahadzia, a ŭžo potym asobna adbyvajecca zborka kanstrukcyi. Apis Cotr zrabili inakš: kampanija vykarystała mabilny pryntar, što dazvoliła «nadrukavać» dom adrazu na miescy.
Adrazu paśla budaŭnictva 3D-pryntar vyciahvajecca kranam, a na dom stavicca dach. Rasijski inžynier Mikita Čen-jun-taj, jaki raspracavaŭ partatyŭny pryntar, adznačyŭ:
«Kali ja pačaŭ dumać nad stvareńniem ułasnaj kanstrukcyi, ja ŭžo viedaŭ pra technałohiju 3D-pryntaraŭ. Ale kłasičnyja 3D-pryntary mieli hałoŭny niedachop: jany hruvastkija i niepartatyŭnyja. Ja ŭpeŭnieny, što jany nie majuć budučyni, tamu i vyrašyŭ stvaryć ułasnuju kanstrukcyju, kab pryntary byli mabilnymi i partatyŭnymi».
U Apis Cotr spadziajucca, što technałohija dapamoža ludziam pa ŭsim śviecie palepšyć ich žyćciovyja ŭmovy. 3D-pryntar «drukuje» damy chutka, efiektyŭna i vysakajakasna. Dom moža ekspłuatavacca 175 hadoŭ, a košt budaŭnictva — kala 10 tysiač dołaraŭ ZŠA.
Kamientary