Byłoha dyrektara «Minabłaŭtatransa» prysudzili da 5 hadoŭ kałonii
Sud prysudziŭ byłoha milicyjanta i hiendyrektara AAT «Minabłaŭtatrans» Viktara Rusaka da piaci hadoŭ kałonii ŭzmocnienaha režymu. Jaho majomaść budzie kanfiskavana.
Viktara Rusaka abvinavačvali pa piaci artykułach Kryminalnaha kodeksa. Pavodle viersii śledstva, jon kuplaŭ za košt pradpryjemstva meblu, techniku, adpraŭlaŭ svaich supracoŭnikaŭ u pracoŭny čas pracavać u siabie na dačy. Suma škody skłała 21,5 tysiačy dalaraŭ.
Na dumku dziaržabvinavaŭcy, vina Viktara Rusaka, byłoha kiraŭnika «Minabłaŭtatrans», całkam dakazanaja. Prakuror prasiŭ prysudzić jaho da 6 hadoŭ pazbaŭleńnia voli, kanfiskavać usiu majomaść abvinavačanaha i aštrafavać jaho na 200 bazavych vieličyń (4600 rubloŭ).
Prysud suda byŭ mienš žorstkim - 5 hadoŭ kałonii ŭzmocnienaha režymu i kanfiskacyja majomaści.
Cam były čynoŭnik i jaho advakat nie zhodnyja z mnohimi punktami abvinavačvańnia i prasili nie pazbaŭlać voli.
— Na praciahu ŭsiaho svajho žyćcia ja imknuŭsia dziejničać u ramkach zakona i intaresach słužby. Sumlenna vykonvaŭ svaje słužbovyja abaviazki. Kali ja byŭ načalnikam orhana ŭnutranych spraŭ, na praciahu siami hadoŭ rabotnikam biaspłatna było vydzielena 132 kvatery. Dziakujučy svajoj žyćciovaj aktyŭnaj pazicyi ŭ mai 1990 hoda byŭ abrany žycharami Centralnaha rajona deputatam Viarchoŭnaha savieta XII sklikańnia, — źviarnuŭsia ŭ svaim apošnim słovie da suda Viktar Rusak. — Sapraŭdy hetak ža ja aktyŭna staŭ pracavać na pasadzie hiendyrektara AAT «Minabłaŭtatrans», pradpryjemstva z stratnaha pieratvaryłasia ŭ prybytkovaje. Mnie chaciełasia b, kab usie vyšej skazanaje było ŭličana sudom. Choć ja vydatna razumieju, što taki pasłužny śpis nie moža pry pryniaćci rašeńnia być važkim z-za maich hłupstvaŭ, pravin, jakija ja zrabiŭ u zakančeńni svajoj pracoŭnaj dziejnaści. Ja vinavaty pierad hramadstvam i dziaržavaj, prašu prabačeńnia za zroblenaje. Čystasardečna raskajvajusia i prašu vas ŭličyć adbyćcia mnoju pakarańnie (dva hady) i nie pazbaŭlać mianie voli.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary