Hurt, jaki možna nazvać klasykami biełaruskaj elektronnaj sceny, prezentuje na Tuzin.fm pieršy ŭ svajoj 14-hadovaj historyi biełaruskamoŭny reliz — samotnik «Viasna».
Symbalična, što dla biełaruskamoŭnaha debiutu hurtu była abranaja samaja pieršaja pieśnia «Viesna», jakaja pieršapačatkova była napisanaja pa-rasiejsku. «Heta znakavaja dla nas kampazycyja, jakaja była zapisanaja na samym pačatku, u 2003 hodzie. My daŭno chacieli pierazapisać jaje na biełaruskaj movie i ŭ aktualnym hučańni», — kaža z nahody premjery na Tuzin.fmzasnavalnik CherryVata Źmicier Litvinovič. Muzyka apaviadaje, što dla taho, kab stvaryć u treku admysłovy viasnovy nastroj, jon chadziŭ i zapisvaŭ navakolnyja huki — padzieńnie kroplaŭ, šum ručaju. Pry hetym pa hučańniu pieśnia vyjšła davoli žorstkaj. Lider kamandy kaža, što ŭ «Viaśnie» jany imknulisia z adnaho boku zachavać svoj firmovy počyrk, ale pry hetym zaśviedčyć svaju adkrytaść da eksperymentaŭ i žadańnie źmiešvać roznyja styli i tradycyi.
«Viasnu» vykanała vakalistka Kaciaryna Štyrc, jakaja pryjšła ŭ hurt pazaletaś. «Ja nia maju biełaruskich karanioŭ, ale mnie chočacca vykazać pavahu da biełaruskaj kultury, tamu ja vielmi starałasia pieradać usiu pieknatu movy», — kaža Kacia. Dla jaje heta ŭžo druhi biełaruskamoŭny trek — CherryVata u duecie z Vuraj zapisali dla navahodniaha prajektu Tuzin.fm i telekanału «Korpus» mahičny trek «Ščodry viečar».
Ciapier CherryVata pracuje nad svaim trecim albomam «Daybreak». Jaho reliz maje adbycca ŭ druhoj pałovie krasavika, a 29 krasavika hurt daje solny kancert u kulturnym centry «Korpus».
Padtrymać muzykaŭ, zrabić pieradzamovu ich albomu dy nabyć kvitki na prezentacyju možna na ich staroncy na Ulej.by. Uvaha! Kraŭdfandynhavaja kampanija skančajecca zaŭtra.
«Viasna» voźmie ŭdzieł u 10-m tury našaha aŭdyjočartu.
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec14
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1717
Kamientary