Kiraŭnik Raśsielhasnahlada Siarhiej Dankviert daŭ adkazy na pytańni Hienieralnaj prakuratury Biełarusi.
U liście ŭ Hienprakuraturu RF, praź jakuju idzie pierapiska ź biełaruskimi pravaachoŭnikami, rasijski čynoŭnik padrabiazna rastłumačyŭ pryčyny zabarony na ŭvoz miasnoj i małočnaj pradukcyi z šerahu pradpryjemstvaŭ Biełarusi, paviedamlajuć «Iźviestija» sa spasyłkaj na pres-sakratara Raśsielhasnahlada Juliju Miełano.
«Klučavyja pytańni byli pra pryčyny zabarony pastavak miasnych i małočnych praduktaŭ z šerahu pradpryjemstvaŭ. My sa svajho boku dali padrabiaznuju spravazdaču pa ŭsich parušeńniach, jakija my vyjaŭlali, praviedzienych zatrymańniach pradukcyi, pa adchileńniach, vyjaŭlenych u vyniku łabaratornaha analizu. Heta davoli vialiki pakiet dakumientaŭ, adkazy absalutna zvyčajnyja», — paviedamiła Miełano.
Pavodle jaje słoŭ, pytańni tyčylisia pryčyn abmiežavańniaŭ u dačynieńni da žyviołahadoŭčaj pradukcyi ź Biełarusi, uviedzienych apošnim časam. U adkazie pieraličanyja ŭsie vypadki i padstavy dla kožnaha kankretnaha vypadku.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary