Demanstranty ŭ Asunśonie, stalicy Parahvaja, uziali šturmam i padpalili budynak parłamienta krainy, pratestujučy suprać pryniaćcia zakona, jaki dazvalaje prezidentu pieraabracca na druhi termin, paviedamlaje VVS.
Kanstytucyja, pryniataja ŭ 1992 hodzie, abmiažoŭvaje adnym piacihadovym terminam znachodžańnie na pasadzie prezidenta.
Prezident krainy Arasijo Kartes, termin paŭnamoctvaŭ jakoha zakančvajecca ŭ 2018-m hodzie, choča źniać hetaje abmiežavańnie. Kali vierchniaja pałata parłamienta sabrałasia na tajemnaje pasiadžeńnie, kab admianić pałažeńnie kanstytucyi, pačalisia chvalavańni.
Pratestoŭcy pabudavali vakoł budynka kanhresa barykady, a potym pajšli na šturm: jany ŭvarvalisia ŭ budynak i pačali abšukvać ofisy prychilnikaŭ Kartesa, paśla čaho, jak paviedamlajecca, padpalili niekatoryja ź ich.
U vyniku biesparadkaŭ i sutyknieńniaŭ z palicyjaj paciarpieli niekalki čałaviek.
Papraŭki ŭ kanstytucyju krainy, jakija ŭchvalili sienatary, pavinny prajści ŭzhadnieńnie ŭ nižniaj pałacie parłamienta. Śpikier pałaty zajaviŭ, što zapłanavanaje na subotu pasiadžeńnie pa hetym pytańni nie adbudziecca i nijakaha rašeńnia pakul čakać nie varta, a taksama zaklikaŭ hramadzian krainy zachoŭvać spakoj.
Na praciahu 35 hadoŭ — z 1954-ha pa 1989-y hady — Parahvaj znachodziŭsia pad uładaj hienierała Alfreda Streśniera. Z momantu stvareńnia novaj sistemy ŭłady ŭ adpaviednaści z kanstytucyjaj 1992 hoda Parahvaj pieražyŭ niekalki pieryjadaŭ palityčnaj niestabilnaści, uklučajučy niaŭdałuju sprobu dziaržaŭnaha pieravarotu.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?1
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary