Zdareńnie adbyłosia dniom 26 krasavika ŭ pasiołku Balšavik Homielskaha rajona. 58-hadovy biespracoŭny mužčyna ŭtrymlivaŭ žonku ŭ haražy ŭłasnaha dvuchpaviarchovaha doma i pahražaŭ padarvać hazavy bałon, kali ich dačka nie viernie jamu hrašovy doŭh.
«Na momant incydentu ŭ domie, dzie, akramia mužčyny i jaho žonki, taksama pražyvajuć ich dačka, ziać i dvoje ŭnukaŭ, bolš nikoha nie było. Pra svoj namier spalić dom 58-hadovy mužčyna paviedamiŭ dačce pa telefonie, taja, u svaju čarhu, adrazu ž patelefanavała ŭ milicyju», — raspaviała TUT.BY aficyjny pradstaŭnik UUS Homielskaha abłvykankama Kaciaryna Radzivonava.
Mužčynu abiasškodzili supracoŭniki AMAPa pry pieradačy hrošaj i vyzvalili zakładnicu.
58-hadovy žychar Balšavika zatrymany, pryznačany šerah ekśpiertyz, vyrašajecca pytańnie ab raspačaćci kryminalnaj spravy.
Raniej zatrymany da kryminalnaj adkaznaści nie pryciahvaŭsia. Što mienavita padšturchnuła mužčynu na taki ŭčynak i ŭ jakim stanie jon znachodziŭsia ŭ momant jaho ździajśnieńnia, budzie vyśviatlać śledstva.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary