Здарэнне адбылося днём 26 красавіка ў пасёлку Бальшавік Гомельскага раёна. 58-гадовы беспрацоўны мужчына ўтрымліваў жонку ў гаражы ўласнага двухпавярховага дома і пагражаў падарваць газавы балон, калі іх дачка не верне яму грашовы доўг.
«На момант інцыдэнту ў доме, дзе, акрамя мужчыны і яго жонкі, таксама пражываюць іх дачка, зяць і двое ўнукаў, больш нікога не было. Пра свой намер спаліць дом 58-гадовы мужчына паведаміў дачцэ па тэлефоне, тая, у сваю чаргу, адразу ж патэлефанавала ў міліцыю», — распавяла TUT.BY афіцыйны прадстаўнік УУС Гомельскага аблвыканкама Кацярына Радзівонава.
Мужчыну абясшкодзілі супрацоўнікі АМАПа пры перадачы грошай і вызвалілі закладніцу.
58-гадовы жыхар Бальшавіка затрыманы, прызначаны шэраг экспертыз, вырашаецца пытанне аб распачацці крымінальнай справы.
Раней затрыманы да крымінальнай адказнасці не прыцягваўся. Што менавіта падштурхнула мужчыну на такі ўчынак і ў якім стане ён знаходзіўся ў момант яго здзяйснення, будзе высвятляць следства.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні9
Каментары