Roŭlinh paprasiła prabačeńnia za hibiel Sievierusa Snejpa z «Hary Potera»
Aŭtarka epapiei pra «Hary Potera» Džoan Roŭlinh paprasiła prabačeńnia za hibiel prafiesara ziellevareńnia Sievierusa Snejpa ŭ chodzie bitvy za Chohvarts u finalnym tomie sahi — «Dary Śmierci».
2 maja fanaty «pateryjany» adznačajuć «hadavinu» bitvy, u jakoj zahinuła niamała hierojaŭ knih, piša VVS.
«Sioleta ja chacieła b paprasić prabačeńnia za zabojstva (šepča)… Snejpa», — napisała šatłandskaja ramanistka ŭ tvitary.
OK, here it is. Please don't start flame wars over it, but this year I'd like to apologise for killing (whispers)... Snape. *runs for cover*
Raniej piśmieńnica vybačałasia za «hibiel» Freda Uiźli i piarevaratnia Rymusa Lupina.
Pry hetym Roŭlinh paprasiła fanataŭ nie svarycca, viedajučy, što svaim tvitam abudzić supraćstajańnie pamiž fanatami vykładčyka ziellevareńnia sa Ślizieryna i jaho nieprymirymymi supiernikami.
Tym nie mienš, jaje paviedamleńnie nie zastałosia niezaŭvažanym: mnohija prychilniki sieryi prypisali Snejpu ckavańnie vučniaŭ, uklučajučy samoha Hary Potera i Neviła Łanhbotama.
Niechta napisaŭ, što aŭtarcy zusim nie varta prasić prabačeńnia za hibiel Snejpa.
U toj ža čas dla šerahu čytačoŭ epapiei (i hledačoŭ ekranizacyi) prafiesar Sievierus — adzin z samych cikavych, šmatsłojnych i nieadnaznačnych piersanažaŭ.
Sievierus Snejp z samaha pačatku ździekliva staviŭsia da hałoŭnych hierojaŭ sahi i byŭ adnym z samych niepapularnych vykładčykaŭ škoły mahii Chohvarts, adnak, jak paśla vyśvietliłasia, byŭ tajemna zakachany ŭ maci Hary Potera i vyratavaŭ žyćcio samomu čaraŭniku ŭ akularach.
U kinaepapiei rolu Snejpa vykanaŭ bytanski akcior Ałan Rykman, jaki pamior letaś.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary