Ukraina rychtujecca da poŭnaj zabarony na čyhunačnyja znosiny z Rasijaj. Pra heta sa spasyłkaj na krynicy, blizkija da ŭrada Ukrainy, piša «Kommiersant». U «Ukrzaliznycia» zajavili, što «nijakaha rašeńnia na hety kont na dadzieny momant nie pryniata».
Pavodle infarmacyi haziety, zabaronu na pasažyrskija pieravozki uviaduć z 1 lipienia 2017 hoda. Heta rašeńnie, piša «Kommiersant», budzie abhruntavana tym, što RČ praciahvaje adpraŭlać ciahniki ŭ padkantrolnyja sieparatystam rajony Danieckaj i Łuhanskaj abłaściej.
Były namieśnik kiraŭnika Mintransa Ukrainy Alaksandr Kava raspavioŭ vydańniu, što ciapier pasažyrapatok z Rasijaj užo skaraciŭsia bolš čym na 60 pracentaŭ, ale ŭsio roŭna składaje amal 2 miljony čałaviek u hod.
Da zabarony na pasažyrskija pieravozki, pa dadzienych «Kommiersanta», užo rychtujecca «Biełavija», jakaja viadzie pieramovy ab pavieličeńni rejsaŭ z Maskvy ŭ Kijeŭ praź Minsk.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty48
Kamientary