Alaksandr Łukašenka padpisaŭ ukaz numar 197 «Ab źmianieńni, pryznańni straciŭšymi siłu ŭkazaŭ prezidenta Respubliki Biełaruś i ich asobnych pałažeńniaŭ». Pra heta BIEŁTA paviedamili ŭ pres-słužbie biełaruskaha lidara.
U pryvatnaści, dakumient vyklučaje z narmatyŭnych pravavych aktaŭ kiraŭnika dziaržavy normy, vykładzienyja ŭ Lasnym kodeksie.
Ukazam praduhledžvajecca pavieličeńnie taksy za skid ściokavych vod u pavierchnievy vodny abjekt z parušeńniem patrabavańniaŭ u halinie achovy navakolnaha asiarodździa i inšym parušeńniem zakanadaŭstva, što pryviało da pavyšeńnia tempieratury ŭ kantrolnym stvory pavierchnievaha vodnaha abjekta. Taksama ŭdakładniajucca vypadki prymianieńnia pavyšajučych kaeficyjentaŭ pry skidzie ściokavych vod u vodnyja abjekty.
Akramia taho, ustanaŭlivajecca fiksavany pamier taksaŭ dla vyznačeńnia ŭronu pry dehradacyi ziamiel z prymianieńniem pavyšajučych kaeficyjentaŭ z ulikam ich ekałahičnaj značnaści, uvodzicca taksa za vykid zabrudžvalnych rečyvaŭ u atmaśfiernaje pavietra pry spalvańni adnoj tony paliva mabilnaj krynicaj vykidaŭ u zaležnaści ad vidu paliva.
Ukaz pavialičvaje pamier taksaŭ za niezakonnyja vysiečku, vydaleńnie, zabirańnie i źniščeńnie dreŭ abo kustoŭ, akramia jak u nasielenych punktach. Heta norma taksama budzie datyčycca vypalvańnia suchoj raślinnaści, traŭ (akramia hazonaŭ, kvietnikaŭ, lasnoj padściłki, žyvoha nahlebavaha pokryva), a taksama ržyšča i pažniŭnych astatkaŭ.
Dakumient daść mahčymaść ustaranić nieadnaznačnyja padychody da prymianieńnia norm ukaza ad 24 červienia 2008 hoda numar 348 «Ab taksach dla vyznačeńnia pamieru kampiensacyi škody, naniesienaj navakolnamu asiarodździu», praduchilić niepažadanaje źmianieńnie stanu vodnych resursaŭ i bijałahičnych resursaŭ, što pražyvajuć u ich, ustaranić supiarečnaści ŭ častcy vyznačeńnia ŭronu pry dehradacyi ziamiel.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna4
Kamientary