Ministerstva pryrodnych resursaŭ moža ŭznačalić samaja stylnaja čynoŭnica — žonka «hranatamiotčyka» Kučynskaha FOTY
Ministr pryrodnych resursaŭ i achovy navakolnaha asiarodździa Andrej Kaŭchuta adchileny ad pracy, u dačynieńni da jaho pravodzicca pravierka.
«Hałoŭnym śledčym upraŭleńniem rasśledujecca kryminalnaja sprava ab słužbovym padłohu ŭ dačynieńni da šerahu słužbovych asobaŭ. U jakaści padazravanaha pa hetaj spravie pryciahnuty ministr pryrodnych resursaŭ i achovy navakolnaha asiarodździa Andrej Kaŭchuta, - prainfarmavała aficyjny pradstaŭnik Śledčaha kamiteta Julija Hančarova. - Dziejańni słužbovaj asoby kvalifikavany pa č.4 art.16, č.1 art.427 (arhanizacyja słužbovaha padłohu) KK RB».
U Ministerstvie pryrodnych resursaŭ i achovy navakolnaha asiarodździa «NN» paviedamili, što na dadzieny momant da ich nie prychodziła niejkaje rasparadžeńnie, što abaviazki ministra budzie vykonvać niechta ź jahonych namieśnikaŭ. «Ministerstva pracuje ŭ zvyčajnym režymie», — prainfarmavali nas u pres-słužbie.
Pieršym namieśnikam Andreja Kaŭchuty źjaŭlajecca Ija Małkina. Jana naradziłasia ŭ vioscy Staroje Ramatova Małaryckaha rajona ŭ siamji vajskoŭca. Pasielišča admietnaje tym, što blizu jaho raście samy staražytny dub na terytoryi Biełarusi, jakomu ŭžo bolš za 800 hadoŭ. Jaho vyšynia — 46 mietraŭ, a dyjamietr — 2 mietry.
Ija Małkina skončyła jurydyčny fakultet BDU (1997), a taksama Akademiju kiravańnia pry prezidencie (2000). Pracavała ŭ Departamiencie humanitarnaj dziejnaści prezidencie, u Ministerstvie sielskaj haspadarki. Ad maja 2014 — pieršaja namieśnica ministra pryrodnych resursaŭ.
Jana — žonka Viktara Kučynskaha. Były paplečnik Alaksandra Łukašenki niekali prasłaviŭsia tym, što sabraŭsia z hranatamiotam u rukach abaraniać kiraŭnika krainy.
Doŭhi čas Ija Małkina faktyčna vykonvała abiaviazki ministra, pakul na hetuju pasadu nie byŭ pryznačany Andrej Kaŭchuta. Jana była adnoj z aŭtarak knihi «Finansavaja dyjeta», jakaja vyjšła pad redakcyjaj kolišniaha pamočnika prezidenta ŭ pytańniach ekanomiki Kiryła Rudaha, i była ŭspryniataja jak manifiest libieralna nastrojenaj častki čynavienstva.
Iju Małkinu nazyvajuć samaj stylnaj čynoŭnicaj vyšejšych šerahaŭ. Sapraŭdy, chto jašče advažvaŭsia apranać rvanyja džynsy ci chipstarskija akulary?
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary