Rar: Niamožna dapuścić izalacyi Rasiei

Jury Drakachrust: U suviazi z vajnoj na Kaŭkazie iznoŭ aktualizavalisia sprečki pra toje, ci pravilna zrabili krainy NATO, što na krasavickim samicie ŭ Buchareście admovili Ŭkrainie i toj ža Hruzii ŭ planach pa ŭstupleńni ŭ NATO. Zaraz niekatoryja vykazvajuć mierkavańnie, što kali b było pryniataje advarotnaje rašeńnie, to i Rasieja nie navažyłasia b na pramuju ahresiju, i Saakašvili lišni raz by padumaŭ, ci varta iści pachodam u Paŭdniovuju Asetyju.

Alaksandar Rar: Z hetaj arhumentacyjaj ja nie pahadžusia. Miarkuju. što Niamieččyna i Francyja zrabili pravilna, što ŭziali paŭzu ŭ hetym pytańni. Niapraŭda, što Hruziju i Ŭkrainu nia chočuć prymać u NATO. Perspektyva im była dadzienaja. Ale tolki paśla taho, jak i Hruzija, i Ŭkraina stanuć sapraŭdnymi demakratyjami i ŭłahodziać stasunki z Rasiejaj, što dla NATO vielmi važna.

Paŭvachodžańnie Hruzii ŭ NATA, jakoje mahło adbycca na Bucharesckim samicie, usio roŭna nie spyniła b Saakašvili ŭ jaho namiery viarnuć Asetyju siłavymi srodkami, jak jon heta ciapier sprabavaŭ. Ja viedaju, što jość inšaja arhumentacyja ŭ Polščy, u bałtyjskich krainach, što z NATO i Eŭraźviazu treba rabić novy instrument strymlivańnia Rasiei. Kali tak atrymajecca, my vierniemsia ŭ tyja časy, ź jakich my vyjšli ŭ 1991 hodzie.

Zachodni śviet pavinien abaraniać siabie, sychodziačy z taho dośviedu, jakim Eŭropa prajšła ŭ minułym stahodździ. Ale časy źmianilisia.

U śviadomaści elit Zachadu "chałodnaja vajna" skončyłasia.

Mnohija niemcy, kali słuchajuć hruzinskaha ci ŭkrainskaha lidera, zadajuć sabie pytańnie, što tyja majuć na ŭvazie. Ci abaronu demakratyi ŭ hetych krainach, ci ad nas patrabujuć, kab my abaraniali hieapalityčnyja intaresy ZŠA ŭ rehijonie, jaki pakul što Eŭropaj u planie kaštoŭnaściaŭ i navat hieahrafii nazvać nielha?

NATO było stvorana dla abarony karennaj Eŭropy ad SSSR. My zaraz bačym, jak ciažka NATO abaraniać svaje intaresy, skažam, u Aŭhanistanie. NATO moža paciarpieć krach, kali nia zmoža ŭratavać sytuacyju ŭ Aŭhanistanie. U nas ledź-ledź niešta atrymlivajecca na Bałkanach.

U Zachadu pry ŭsim žadańni abaraniać demakratyju moža nie chapić resursaŭ i navat voli heta zrabić.

Jury Drakachrust: Vajna ŭ Iraku sparadziła vyrazny raskoł pamiž tak zvanymi “staroj” i “novaj” Eŭropaj. Ci možna skazać, što niešta padobnaje nazirajecca i ciapier, adnosna vajny na Kaŭkazie? Ci adroźnieńni ŭ pazycyjach eŭrapiejskich krain tyčacca adno taktyčnych niuansaŭ?”

Alaksandar Rar: Heta raskoł navat bolš hłyboki, čym u 2003 hodzie. Tady jašče nie było pašyreńnia Eŭraźviazu, jakoje adbyłosia ŭ 2004 hodzie. Siońnia krainy Bałtyi i Polšča – častka palityčnych instytutaŭ Zachadu. I hety raskoł u staŭleńni da Rasiei vyhladaje niepieraadolnym. I na hetym my razvalvajemsia, jak adzinaja prastora źniešniaj i abarončaj palityki. Niamieččyna i Francyja za apošnija 15 hadoŭ prymirylisia z Rasiejaj, jany zastajucca viernymi idei stratehičnaha partnerstva. Ale hety punkt hledžańnia nie padtrymlivajecca elitami byłych krain Varšaŭskaj damovy.

Ich možna zrazumieć, kali razvažać zusim užo abjektyŭna. Ale jany šturchajuć EZ u inšym nakirunku, čym toj, u jakim jon pačaŭ rušyć paśla "Chałodnaj vajny". Jany dumajuć, što ŭstupili ŭ NATO ŭzoru 1973 hodu.

Jany razhladajuć EZ i NATO jak instytuty, jakija pavinny abaraniać ich ad "neaimperskaj" Rasiei. U Niamieččyny i Francyi takich pieraściarohaŭ niama.

I časta ŭ niamieckaj elicie zaraz hučać razmovy, što kali paturać hetym byłym krainam Varšaŭskaj damovy, to jany mohuć zrabić Eŭropu svajoj zakładnicaj u vielmi surjoznym kanflikcie z Rasiejaj, jaki moža pryvieści da Treciaj usiaśvietnaj vajny.

• 0
• 0
• 0
• 0
• 0
• 0
• 0
• 0