Biełaruska schadziła na spatkańnie z Kryšcijanu Ranałdu. Što heta za historyja?
Jašče adno paćvierdžańnie taho, što biełaruskija dziaŭčyny — samyja pryhožyja.
Padčas niadaŭniaha Kubka kanfiederacyj Kryštyjanu Ranałdu nie tolki dapamoh svajoj zbornaj dajści da paŭfinała turniru, ale i vielmi cikava pravodziŭ volny čas pamiž matčami.
22-hadovaja dziaŭčyna ź Biełarusi Kacia Macieckaja raspaviała pra toje, jak joj udałosia pravieści viečar u kampanii zornaha futbalista. Sustrecca z Ronałdu dziaŭčynie dapamahła zvyčajnaja fatahrafija ŭ instahramie z maskoŭskim hieateham.
Taja samaja fatahrafija:
Voś što nazyvajecca apynucca ŭ patrebnym miescy i ŭ patrebny čas. Z tysiačy fatahrafij Kryšcijanu źviarnuŭ uvahu na fota biełaruskaj dziaŭčyny, paśla čaho napisaŭ joj paviedamleńnie ŭ dyrekt:
Kryšcijanu Ranałdu:?
Kacia: Pryvitańnie)
Kryšcijanu Ranałdu: Jak ty?
Kacia: Dobra) A ty? Ja ŭ šoku.
Kryšcijanu Ranałdu: Čamu? U mianie ŭsio dobra, dziakuj.
Kacia: Tamu što TY napisaŭ mnie)
Kryšcijanu Ranałdu: Cha-cha-cha.
Zatym Ronałdu daŭ Kaci svoj numar, jany pačali vieści pierapisku ŭ WhatsApp:
«U nas u restaranie Novikov budzie viačera, pryjazdžaj, kali chočaš».
Dziaŭčyna pryjechała ŭ pryznačanaje miesca, dzie jaje sustreŭ sam Kryšcijanu. Futbalist byŭ da jaje vielmi dobry:
«Pry sustrečy jon pacałavaŭ mianie ŭ ščočku, jak byccam my daŭno znajomyja. Jon šmat nadavaŭ mnie uvahi na pieršaj častcy viačery, niahledziačy na toje, što tam była ŭsia kamanda i jašče piać dziaŭčat. Jon braŭ mianie za ručku, pytaŭsia, ci ŭsio ŭ paradku i hetak dalej.
Atmaśfiera była raźniavolenaj, my pili vino i kaktejli. Kryšcijanu raspaviadaŭ, što jamu vielmi spadabałasia na Sardzinii. A ŭ Ibicy jość vialiki minus — tam vielmi doraha».
Viečar, pra jaki mnohija dziaŭčaty mohuć tolki maryć, skončyŭsia kala paŭnočy. Kacia sieła na taksi i pajechała dadomu. Pa šlachu jana napisała Ranałdu «Dziakuj za viačeru, usio było supier» i pažadała ŭdačy na poli. Na hetym kazka dziaŭčyny z našaj krainy skončyłasia. Ale nie papularnaść: historyja dajšła da samoha karala rasijskaha TB Andreja Małachava, jaki zaprasiŭ dziaŭčynu raspavieści ŭsio jašče padrabiaźniej (z 0:56).
Niekalki fota dziaŭčyny ź Biełarusi, jakaja spadabałasia samomu Kryšcijanu Ranałdu:
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary