Rasieja faktyčna spyniaje praces ustupleńnia ŭ Suśvietnuju handlovuju arhanizacyju.
«Rasieja admovicca ad sastupak Zachadu, na jakija jana išła ŭ nadziei na ŭstupleńnie ŭ Suśvietnuju handlovuju arhanizacyju», — u takoj farmuloŭcy Ŭładzimier Pucin faktyčna spyniŭ praces ustupleńnia ŭ SHA.
Rasiejskija ŚMI pišuć, što heta adkaz na pahrozy ZŠA ŭvieści sankcyi za vajnu ŭ Paŭdniovaj Asiecii.
Rašeńnie było abvieščanaje ŭ aŭtorak na pasiedžańni ŭradu.
Zachodniaja presa interpretavała krok jak abviaščeńnie novaj «chałodnaj vajny». SHA jadnaje bolšaść krainaŭ śvietu, u tym liku krainy ES, ZŠA, Kitaj, Brazyliju, Indyju, krainy Ŭschodniaj Azii, Ukrainu, Hruziju, Małdovu. Dla Rasiei ŭstup u arhanizacyju nia byŭ pryncypovym — bolšaść jaje ekspartu składajuć enerhanośbity, handal jakimi SHA nie rehuluje. Tym nia mienš, kurs na ŭvachodžańnie ŭ arhanizacyju byŭ znakam hatoŭnaści Rasiei intehravacca ŭ hlabalnuju ekanomiku.
Kamientary