Eks-kandydat na pasadu prezydenta i palitviazień pravioŭ onłajn-kanferencyju na adnym z najbolš papularnych rasiejskich sajtaŭ.
Eks-kandydat na pasadu prezydenta i palitviazień Alaksandar Kazulin adkazaŭ na pytańni naviedvalnikaŭ adnaho z najbolš papularnych rasiejskich sajtaŭ www.lenta.ru.
Čytačoŭ partału najbolš cikavili dalejšyja biełaruska-rasiejskija adnosiny.
Kazulin adkazvaŭ na pytańni ścisła i kankretna — nia tak mnahamoŭna, jak na minułym tydni padčas pres-kanferencyi ŭ Miensku.
Voś jak jon adkazaŭ na pytańnie pra ŭviadzieńnie rasiejskaha rubla: «Heta moža być niebiaśpiečnym dla suverenitetu i niezaležnaści Biełarusi na dadzienym etapie, z druhoha boku moža być vielmi navat azdaraŭlalnym dla ekanomiki. Usio zaležyć ad palityčnych metaŭ».
Ci skončyłasia ŭ Biełarusi palityka rusifikacyi, pytajucca ŭ Kazulina: «Tak, hetaja palityka, jakaja pačałasia ŭ XIX stahodździ, prypynienaja. Zaraz idzie składany praces stvareńnia biełaruskaj nacyi, tamu nia słušna vieści havorku pra denacyjanalizacyju biełarusaŭ. Prašu nie traktavać hetyja pracesy jak varožyja dla rasiejskaha narodu», – kaža były palitviazień.
Razam z tym, Alaksandar Kazulin kaža pra niemahčymaść stvareńnia sajuznaj dziaržavy na ŭzor SSSR.
«U tym vyhladzie, što sajuz znachodzicca zaraz, ja nia baču perspektyvaŭ dla raźvićcia», – kaža Kazulin. Jon nazyvaje siońniašniuju biełaruskuju ŭładu farmalna prabiełaruskaj, ale faktyčna, jakaja zaležyć ad voli Kramla.
Papałochaŭ Kazulin rasiejskuju publiku i nacyjanalistami, jak heta lubić rabić i Łukašenka.
«Dastatkova doŭha termin biełaruskaja i rasiejskaja mova buduć zastavacca dziaržaŭnymi.
Ja pavažaju spadara Paźniaka, ale nie padzialaju jahonyja pohlady ŭ adnosinach da Rasiei i rasiejcaŭ».
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary