Pradpryjemstvy ź nizkim zarobkam nieabchodna ŭ 2018 hodzie padciahnuć da ŭzroŭniu 1 tys. rubloŭ. Takoje daručeńnie daŭ Alaksandr Łukašenka ŭ chodzie aznajamleńnia z sacyjalna-ekanamičnym raźvićciom Bresta, paviedamlaje BiełTA.
«My 1 tysiaču rubloŭ budziem mieć, ale heta budzie siaredni zarobak. Jość pradpryjemstvy, jakija hety siaredni zarobak ciahnuć uvierch, heta dobra. Ale pałova, moža, krychu mienš pradpryjemstvaŭ, dzie my niedaciahvajem da hetaha ŭzroŭniu, i naohuł tam zarobak nievialiki. Za 2018—2019 hady, asabliva za 2018 hod, my biaremsia za tyja pradpryjemstvy, na jakich mała zarablajuć, kab ich padciahnuć da 1 tys. rubloŭ», — skazaŭ Alaksandr Łukašenka.
Pavodle jaho słoŭ, kali heta daručeńnie budzie vykanana, siaredniaja zarpłata pa krainie moža dasiahnuć Br1,5 tys.
Pry hetym jon padkreśliŭ, što siaredni ŭzrovień zarabotnaj płaty ŭ 1 tys. rubloŭ da kanca hetaha hoda nieabchodna zamacavać, kab u pačatku 2018 hoda nie atrymać jaho źnižeńnia. «Treba stabilna vychodzić na siaredni zarobak (u 1 000 rubloŭ), i ŭ 2018 hodzie samuju nizkuju padciahvać da ŭzroŭniu siaredniaj», — padsumavaŭ kiraŭnik dziaržavy.
Jak zapeŭniŭ kiraŭnika dziaržavy staršynia Bresckaha harvykankama Alaksandr Rahačuk, Brest da kanca 2017 hoda stabilna vyjdzie na siaredni zarobak u 1 tys. rubloŭ.
Na siońnia siaredni zarobak u Biełarusi składaje 818 rubloŭ.
Stali viadomyja pieršyja piać proźviščaŭ palitviaźniaŭ, vyzvalenych pa novym pamiłavańni5
Kamientary