U Biełarusi idzie ekstranaja vysiečka lasoŭ: na baraćbu z karajedam kinuli piać tysiač čałaviek
Ahulnaja płošča paškodžanych karajedam lasoŭ składaje 12,4 tysiačy hiektaraŭ. Heta supastaŭna z płoščaj horada Viciebska. Usie siły lashasaŭ kinutyja na ekstranuju vysiečku zaražanych dreŭ - inšym sposabam pieramahčy škodnika niemahčyma.
Masavaje ssychańnie chvoi ad karajeda adznačanaje ŭ paŭdniovych rehijonach - na terytoryjach Bresckaj i Homielskaj abłaściej, a taksama častkova ŭ Minskaj i Mahiloŭskaj.
Jak raspaviali tut.by u pres-słužbie Ministerstva lasnoj haspadarki, ciapier usie siły ściahnutyja na baraćbu z škodnikam - usiaho bolš za 5 tysiač čałaviek.
«Usia technika lashasaŭ pieradysłakavanaja ŭ miescy sanitarnaj vysiečki. Naprykład, u paŭdniovy rehijon, dzie było asabliva zasušliva i chutka razmnožyŭsia žuk, pierakinutyja ŭsie narychtoŭčyja mahutnaści ź Viciebskaj, Hrodzienskaj i Mahiloŭskaj abłaściej. Robicca ŭsio, kab nie dapuścić druhoha vyletu škodnika [dla dalejšaha razmnažeńnia]», - patłumačyli ŭ viedamstvie.
Nieaficyjna śpiecyjalisty paraŭnoŭvajuć pryniatyja miery z «vajennym stanoviščam» u lasach. Chvoja — asnoŭnaja paroda ŭ biełaruskich lasach, jaje dola składaje bolš za 50%. Mienavita joj addajuć pieravahu dva vidy karajedaŭ: vierchavinny i šaścizubčaty.
Adziny mietad baraćby - chutkaja sanitarnaja vysiečka. Praktyki prymianieńnia chimičnych srodkaŭ u dadzienym vypadku niama, kanstatujuć u ministerstvie.
Pa hetaj pryčynie ŭ lasach uviedzienaja časovaja zabarona na płanavyja vyrubki. Usie namahańni skancentravanyja na sanitarnych.
Dla hetaha sa zhody prezidenta sproščanaja pracedura afarmleńnia nieabchodnaj dakumientacyi dla sanitarnych vysiečak u chvajovych nasadžeńniach. Akramia taho, pajšli nasustrač hramadzianam, chto žadaje narychtavać draŭninu z nasadžeńniaŭ, što ssychajuć.
«Skaročany termin afarmleńnia dakumientaŭ na praviadzieńnie vysiečak i źniatyja abmiežavańni na vybar učastka ŭ chvajovych nasadžeńniach, što ssychajuć», - dadali ŭ ministerstvie.
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm15
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2727
Kamientary