Ab prahnozie na tydzień tut.by raspavioŭ načalnik słužby mietearałahičnych prahnozaŭ Hidramieta Minpryrody Dźmitryj Rabaŭ.
U aŭtorak, 22 žniŭnia, umovy nadvorja budzie vyznačać atmaśfierny front i chaładnavataja pavietranaja masa.
Nočču pieravažna pa ŭschodniaj pałovie, dniom na bolšaj častcy terytoryi krainy daždžy, miescami navalnicy.
U načnyja hadziny ŭ asobnych rajonach pa ŭschodniaj pałovie mocnyja daždžy. Nočču i ranicaj u zachodnich rajonach słaby tuman. Tempieratura nočču +10 … 16°S, dniom +16 … 22°S, pa ŭschodzie Mahiloŭskaj vobłaści da + 25°S.
Dalej z-za cykłonu ŭ Biełaruś pačnuć pastupać vilhotnyja, prachałodnyja pavietranyja masy.
U sieradu, 23 žniŭnia, nočču va ŭschodnich rajonach, dniom na bolšaj častcy terytoryi karotkačasovyja daždžy. U asobnych rajonach navalnicy, mocnyja daždžy, dniom uzmacnieńnie vietru paryvami da 15-18 m/s. Tempieratura nočču +8 … 14°S, dniom +13 … 19°S, pa paŭdniovym zachadzie da + 21°S.
U čaćvier, 24 žniŭnia nočču i ranicaj na bolšaj častcy terytoryi, dniom pieravažna pa paŭnočna-ŭschodniaj pałovie krainy karotkačasovyja daždžy. U asobnych rajonach navalnicy, mocnyja daždžy, uzmacnieńnie vietru paryvami da 15-20 m/s. Tempieratura nočču +7 … 14 ° S, dniom +13 … 20°S, pa paŭdniovym zachadzie da + 22°S.
Pačynajučy ź piatnicy, 25 žniŭnia, pavietranyja patoki pamianiajucca na zachodnija i ŭ krainu z Zachodniaj Jeŭropy nakirujucca bolš ciopłyja pavietranyja masy, tempieratura pačnie pavyšacca, budzie ciopłaje nadvorje, a daždžoŭ stanie mienš.
U piatnicu nočču pieravažna pa paŭnočnym uschodzie, dniom u asobnych rajonach krainy karotkačasovyja daždžy, dniom mahčymy navalnicy. Nočču i ranicaj słaby tuman. Tempieratura nočču +7 … 14°S, dniom +19 … 26°S.
U vychodnyja tempieratura pavietra prahrejecca da +9 … 16°S unačy, a dniom budzie da + 26°S, pa poŭdni +27 … 30°S.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty47
Kamientary