Dziesiać novych dziciačych placovak płanujecca ŭstalavać u minskich dvarach ciapierašniaj vosieńniu. Pakul kankretnyja miescy ich budaŭnictva nie vyznačanyja — rašeńnie ab hetym upieršyniu buduć prymać sami žychary stalicy.
Na dapamohu haradskim uładam u imknieńni zrabić dvary bolš pryjaznymi dla dziaciej prychodzić biznes. Dziakujučy supracoŭnictvu dziaržaŭnaha abjadnańnia «Minskaja haradskaja žyllovaja haspadarka» i kampanii Oasis, jakaja vyrablaje soki pad brendam «Sočnyj», sučasnyja hulniavyja kompleksy źjaviacca tam, dzie jany bolš za ŭsio nieabchodnyja. Bolš taho, haradžanie mohuć samastojna «zamović» ustanoŭku.
Jak heta zrabić? Nieabchodna dasłać zajaŭku ŭ advolnaj formie i lubym farmacie. Heta moža być prosta apovied pra toje, jak dzieciam vašaha dvara nie chapaje zabaŭ. Abo «zajavačny» videarolik, źniaty na telefon. Heta moža być malunak, fatahrafija ci fotarepartaž, fłeš-mob ŭsim dvarom… Karaciej, nijakich abmiežavańniaŭ! Bolš za toje — kreatyŭ i niestandartnaść pavyšajuć šancy na ŭstanoŭku hulniavoha kompleksu ŭ vašym dvary.
Svaju zajaŭku (nie zabudźciesia paznačyć adras dvara!) nieabchodna raźmiaścić na sajcie sočnyjdvorik.bieł. Prymajucca jany z 30 žniŭnia pa 14 vieraśnia ŭklučna. I ŭsio! Pradstaŭniki kampanii ŭ supracoŭnictvie z haradskimi ŭładami praanalizujuć usie listy i vyznačać dziesiać dvaroŭ, u jakich na praciahu miesiaca buduć ustanoŭlenyja hulniavyja kompleksy. Vyniki «zajavačnaj kampanii» stanuć viadomyja 22 vieraśnia i buduć apublikavanyja na hetym ža sajcie.
«Biezumoŭna, my mahli b vybrać miesca dla ŭstanoŭki dziciačych placovak samastojna. Ale heta było b niapravilna. Hulniavyja kompleksy pavinny źjavicca tam, dzie ich chočuć bačyć bolš za ŭsio. Tamu «Sočnyj» hatovy praanalizavać usie «zajaŭki» i, u pieršuju čarhu, akazać dapamohu tam, dzie isnujuć samyja surjoznyja prablemy ź infrastrukturaj», — padkreśliła dyrektar pa markietynhu kampanii Oasis Śviatłana Vaŭkaviec.
U žniŭni kampanija pa ŭzhadnieńni ź Minharvykankamam i Minskzielenbudam ustanaviła 9 hulniavych kompleksaŭ u parkach Minska. U pierśpiektyvie ž płanujecca pašyrać hieahrafiju i stavić dziciačyja placoŭki nie tolki ŭ minskich dvarach, ale i ŭ abłasnych i rajonnych haradach.
«Ciapier heta naša misija — rabić dvary biełaruskich haradoŭ kamfortnymi i pryjaznymi dla dziaciej», — padkreślili ŭ kampanii.
Vyjšaŭ na svabodu vybitny chirurh Andrej Lubiecki11
Vyjšaŭ na svabodu vybitny chirurh Andrej Lubiecki
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary