Na samicie ADKB u Maskvie nie pryniata nijakaha adzinaha rašeńnia pa Abchazii i Asiecii.
Na samicie ADKB u Maskvie nie pryniata nijakaha adzinaha rašeńnia pa Abchazii i Asiecii. Bolš za toje, u deklaracyi havorycca pra nieabchodnaść spynić raspaŭsiud rakietaŭ małoj i siaredniaj dalnaści (RMSD) i nieabchodnaści kantrolu za raspaŭsiudam zvyčajnych uzbrajeńniaŭ.
Cikava, što raniej Rasieja vykazvała žadańnie vyjści z damovaŭ pra RSMD i zvyčajnyja ŭzbrojenyja siły ŭ Eŭropie (DZUSE).
Samit prachodziŭ na chvali asensavańnia vynikaŭ hruzinska-rasiejskaha kanfliktu i na fonie rezkaha padzieńnia rasiejskaha rubla i biržavych kacirovak paśla asiacinskaje vajny.
N
apiaredadni samitu A. Łukašenka vystupiŭ z prapanovaj vypracoŭki adzinaj pazycyi pa pytańni Asiecii i Abchazii ŭsimi krainami ADKB. Taki padychod vielmi pryvitali Złučanyja Štaty.
Paśla samitu Dźmitry Miadźviedzieŭ sprabavaŭ zrabić dobruju minu pry drennaj hulni i zajaviŭ, što ŭdzielniki sustrečy adnaznačna asudzili dziejańni Hruzii i padtrymali rolu Rasiei ŭ padziejach. Aściarožnaść vynikovaj rezalucyi krasamoŭna abviarhaje słovy rasiejskaha prezydenta.
Miadźviedzieŭ pryznaŭ: «Našy partniory z ADKB buduć vyznačacca ŭ pytańni pra niezaležnaść Paŭdniovaj Asiecii i Abchazii samastojna, Rasieja ličyć heta absalutna pravilnym».
Jak paviedamlaje RIA Novosti, u Kramli adbylisia taksama niefarmalnyja pieramovy kiraŭnikoŭ dziaržavaŭ ADKB — Armienii, Biełarusi, Kazachstanu, Kyrhyzstanu, Rasii, Tadžykistanu i Ŭzbekistanu.
Staršynstva va ŭsich statutnych orhanach ADKB pierajšło ad Kyrhyzstanu da Armienii.
Dahavor ab kalektyŭnaj biaśpiecy (DKB) padpisany 15 maja 1992 hoda ŭ Taškiencie. 14 maja 2002 hoda pavodle rašeńnia kiraŭnikoŭ dziaržaŭ — udzielnic dahavora ažyćcioŭlena pieraŭtvareńnie DKB u paŭnavartasnuju mižnarodnuju Arhanizacyju Dahavora ab kalektyŭnaj biaśpiecy (ADKB). 7 kastryčnika 2002 hoda padpisany statut i pahadnieńnie ab pravavym statusie ADKB, jakija 18 vieraśnia 2003 hoda ŭvajšli ŭ siłu.
Kamientary