Znajšła siabroŭku i pierajechała ŭ publičny valjer. Jak ciapier žyvie janocicha-nielehałka Jasienija?
Janocicha pa mianušcy Jasienija, jakuju biełaruskija mytniki znajšli z marskim kantejniery z ZŠA, užo niekalki miesiacaŭ žyvie ŭ Parku žyvioł pad Baranavičami. Jak pažyvaje najbolš papularny janot u Biełarusi, daviedalisia žurnalisty vydańnia Times.by.
Jasienija, jakaja vyrasła ŭ dzikaj pryrodzie, u parku adaptavałasia davoli składana: pierajezd staŭ dla jaje stresam. Supracoŭniki pieražyvali za žyviolinu, ale pastupova kantakt ź janocichaj udałosia naładzić.
«Sprabavali paznajomić jaje z samcom pa imieni Maksim, ale Jasienija nie padpuskała jaho da siabie i imknułasia ŭciakać. Pry hetym jany nie kanfliktavali i nie bilisia — prosta nie chacieła znachodzicca pobač ź im», — raskazvaje viadučy markietołah Parku žyvioł Julija Sak.
Ciapier Jasienii aryjencirovačna kala troch hadoŭ. Žyvie jana ŭ adnym valjery sa svajoj siabroŭkaj Vijaletaj — jany ŭdźviuch zmahli ŭžycca i syšlisia charaktarami.
U janotaŭ kožny dzień prachodziać pakazalnyja karmleńni.
Jasienija prybyła ŭ našu krainu z ZŠA ŭ marskim kantejniery, jaje znajšli ŭ im hrodzienskija mytniki. Spačatku žyvioła znachodziłasia na karancinie ŭ Ašmianskaj rajonnaj vieterynarnaj stancyi, paśla pierajechała ŭ Park žyvioł u Baranavičach.
U parku i vyśvietlili, što janot, jakoha spačatku ličyli chłopčykam i nazvali Sieniem, nasamreč dziaŭčynka. Joj pačali padbirać novaje imia i ŭ vyniku nazvali Jasienijaj dy aformili pašpart.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska2
Kamientary
Chorošo, čto v Biełarusi vrodie by jeŝie nie priniali zakon o zaprietie propahandy homosieksualizma, kak v skriepnoj Rośsii