На саміце АДКБ у Маскве не прынята ніякага адзінага рашэньня па Абхазіі і Асеціі.
На саміце АДКБ у Маскве не прынята ніякага адзінага рашэньня па Абхазіі і Асеціі. Больш за тое, у дэклярацыі гаворыцца пра неабходнасьць спыніць распаўсюд ракетаў малой і сярэдняй дальнасьці (РМСД) і неабходнасьці кантролю за распаўсюдам звычайных узбраеньняў.
Цікава, што раней Расея выказвала жаданьне выйсьці з дамоваў пра РСМД і звычайныя ўзброеныя сілы ў Эўропе (ДЗУСЭ).
Саміт праходзіў на хвалі асэнсаваньня вынікаў грузінска-расейскага канфлікту і на фоне рэзкага падзеньня расейскага рубля і біржавых каціровак пасьля асяцінскае вайны.
Н
апярэдадні саміту А. Лукашэнка выступіў з прапановай выпрацоўкі адзінай пазыцыі па пытаньні Асеціі і Абхазіі ўсімі краінамі АДКБ. Такі падыход вельмі прывіталі Злучаныя Штаты.
Пасьля саміту Дзьмітры Мядзьведзеў спрабаваў зрабіць добрую міну пры дрэннай гульні і заявіў, што ўдзельнікі сустрэчы адназначна асудзілі дзеяньні Грузіі і падтрымалі ролю Расеі ў падзеях. Асьцярожнасьць выніковай рэзалюцыі красамоўна абвяргае словы расейскага прэзыдэнта.
Мядзьведзеў прызнаў: «Нашы партнёры з АДКБ будуць вызначацца ў пытаньні пра незалежнасьць Паўднёвай Асеціі і Абхазіі самастойна, Расея лічыць гэта абсалютна правільным».
Як паведамляе РІА Новості, у Крамлі адбыліся таксама нефармальныя перамовы кіраўнікоў дзяржаваў АДКБ — Арменіі, Беларусі, Казахстану, Кыргызстану, Расіі, Таджыкістану і Ўзбэкістану.
Старшынства ва ўсіх статутных органах АДКБ перайшло ад Кыргызстану да Арменіі.
Дагавор аб калектыўнай бяспецы (ДКБ) падпісаны 15 мая 1992 года ў Ташкенце. 14 мая 2002 года паводле рашэння кіраўнікоў дзяржаў — удзельніц дагавора ажыццёўлена пераўтварэнне ДКБ у паўнавартасную міжнародную Арганізацыю Дагавора аб калектыўнай бяспецы (АДКБ). 7 кастрычніка 2002 года падпісаны статут і пагадненне аб прававым статусе АДКБ, якія 18 верасня 2003 года ўвайшлі ў сілу.
Каментары