Šatłandskaja piensijanierka praz Facebook znajšła brata-miljaniera, jakoha nie bačyła 60 hadoŭ
Fotazdymak ź siamiejnaha viasiella dapamoh piensijaniercy z Šatłandyi Idzie Uajld uźjadnacca z daŭno zhublenym bratam, jakoha jana nie bačyła ŭžo 60 hadoŭ, piša Daily Record.
Tut i nižej fota: Daily Record
Jak piša vydańnie, havorka idzie pra Ashara Šakura Patela, jaki źjaŭlajecca adnym z samych paśpiachovych pradprymalnikaŭ Azii. Patel vałodaje transpartnaj kampanijaj Patel i zajmaje 45 radok u Top-100 indyjskich miljanieraŭ pa viersii Forbes. U 2013 hodzie jaho bahaćcie skłała $615 młn.
U 1947 hodzie ciotka Idy, jakaja tady znachodziłasia z mužam u Indyi, usynaviła čatyroch miascovych dziaciej, ale potym addała dvuch ź ich svajoj siastry, h. zn. maci Idy. Chłopčyku tady było 6 hadoŭ. Adnak dzieci i tak nie pryžylisia, i ŭ rešcie rešt praz 5 hadoŭ novaja siamja viarnuła ich nazad u Indyju.
Jak raspaviała Ida Uajld, Patel užo šmat hadoŭ šukaŭ svaju pryjomnuju siamju z Šatłandyi.
«Kali ja atrymała paviedamleńnie ŭ Facebook ad Ashara, było prosta pryjemna znoŭ pačuć niešta ab im. Ja nie mahła pavieryć, što jon zaŭvažyŭ maju fatahrafiju paśla ŭsich hetych hadoŭ — heta było sapraŭdy cud. Ja raźvitałasia z maleniečkim chłopčykam, i ciapier jon staŭ vielmi paśpiachovym multymiljanieram. Heta było nierealna», — dzielicca svaimi ŭražańniami Ida.
Kamientary