Paśla publikacyi «NN» da fiermieraŭ u Kamianieckim rajonie pryjechaŭ Maksim Ryžankoŭ, viadziecca raźbiralnictva
Pamiatajecie materyjał pra fiermieraŭ, u jakich kamianieckija ŭłady adbirali ziamlu ź fiejeryčnymi farmuloŭkami?
Čytajcie: Jak kamianieckija ŭłady zabylisia pra zakon: historyja pra zapałochanych fiermieraŭ, samadurstva i razborki ŭ styli 1990-ch
Jak nam stała viadoma, praz try dni paśla publikacyi ŭ Kamianiecki rajon pryjechaŭ pieršy namieśnik kiraŭnika Administracyi prezidenta Maksim Ryžankoŭ.
Pra heta nam paviedamili krynicy siarod miascovych čynoŭnikaŭ.
Pavodle ich, Ryžankoŭ zładziŭ raznos asobnym kiraŭnikam haspadarak, nazyvaŭ situacyju «niepryhožaj» i «z duškom», mieŭ taksama sustreču z Alaksandram Mašenskim (kiraŭnikom «Savuškavaha pradukta»), jaki zapeŭniŭ namieśnik kiraŭnika Administracyi, što nie viedaŭ pra situacyju.
Ahułam meta vizitu Ryžankova była «razabracca».
My daviedalisia i ŭ samich fiermieraŭ, što ŭ ich čuvać.
Halina Borsuk skazała nam, što ich taksama zaprašali na razmovu z vysokim čynoŭnikam — u jahonaj papcy lažaŭ razdrukavany materyjał «Našaj Nivy».
Fiermiery kažuć, što pakul nijakich źmienaŭ niama, a vyniki razhladu kanfliktu Ryžankovym stanuć viadomymi praz tydzień.
Kamientary