Пасля публікацыі «НН» да фермераў у Камянецкім раёне прыехаў Максім Рыжанкоў, вядзецца разбіральніцтва
Памятаеце матэрыял пра фермераў, у якіх камянецкія ўлады адбіралі зямлю з феерычнымі фармулёўкамі?
Чытайце: Як камянецкія ўлады забыліся пра закон: гісторыя пра запалоханых фермераў, самадурства і разборкі ў стылі 1990-х
Як нам стала вядома, праз тры дні пасля публікацыі ў Камянецкі раён прыехаў першы намеснік кіраўніка Адміністрацыі прэзідэнта Максім Рыжанкоў.
Пра гэта нам паведамілі крыніцы сярод мясцовых чыноўнікаў.
Паводле іх, Рыжанкоў зладзіў разнос асобным кіраўнікам гаспадарак, называў сітуацыю «непрыгожай» і «з душком», меў таксама сустрэчу з Аляксандрам Машэнскім (кіраўніком «Савушкавага прадукта»), які запэўніў намеснік кіраўніка Адміністрацыі, што не ведаў пра сітуацыю.
Агулам мэта візіту Рыжанкова была «разабрацца».
Мы даведаліся і ў саміх фермераў, што ў іх чуваць.
Галіна Борсук сказала нам, што іх таксама запрашалі на размову з высокім чыноўнікам — у ягонай папцы ляжаў раздрукаваны матэрыял «Нашай Нівы».
Фермеры кажуць, што пакуль ніякіх зменаў няма, а вынікі разгляду канфлікту Рыжанковым стануць вядомымі праз тыдзень.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары