U Słuckim rajonie zahadčyca z-za niastačy ŭ kasie padpaliła kramu, insceniravaŭšy kradziež, paviedamili va UUS Minabłvykankama.
Paviedamleńnie ab uzharańni kramy ŭ v. Krasnaje Siało Słuckaha rajona pastupiła ŭ milicyju 17 kastryčnika kala 5.00. Pažarnyja vyśvietlili, što pryčynaj incydentu staŭ padpał budynka. Vyjavić złamyśnika ŭdałosia na praciahu niekalkich hadzin. Akazałasia, što z metaj utojvańnia niastačy kramu padpaliła 43-hadovaja zahadčyca, insceniravaŭšy pierad hetym kradziež.
«Žančyna niekalki miesiacaŭ davała ŭ doŭh pradukty charčavańnia viaskoŭcam, — rastłumačyŭ načalnik kryminalnaha vyšuku Słuckaha RAUS Stanisłaŭ Čucholski. — Hrošy za pakupki viartalisia ź piensij i zarobkaŭ. Ale daloka nie va ŭsich atrymlivałasia raźličvacca svoječasova, tamu ŭ kasie pastupova ŭtvaryłasia niastača. Pry hetym, napeŭna, zahadčyca i sama karystałasia zabaronienaj machinacyjaj. Miarkujecca, što z žniŭnia pa kastryčnik suma zapazyčanaści dasiahnuła nie mienš za 2 tysiačy rubloŭ».
Davać spravazdaču pierad revizorami i apłačvać čužyja pazyki złamyśnica nie chacieła, uličvajučy ŭžo isnujučy ŭ jaje kredyt dla pahašeńnia čužych daŭhoŭ (jany byli vyjaŭlenyja raniej — padčas čarhovaj revizii kramy), tamu žančyna vyrašyła pajści na złačynstva.
«Nočču zahadčyca vyniesła z kramy siejf, adkryła jaho klučom i pakinuła niepadalok ź nievialikaj kolkaściu kapiejek ŭnutry. Pobač jana rassypała cyharety, pakłała butelku harełki i kaŭbasu — takim čynam była insceniravanpia prysutnaść starońnich, jakija nibyta ździejśnili kradziež i padpał», — raspavioŭ Stanisłaŭ Čucholski.
Ciapier padazravanaja znachodzicca ŭ izalatary časovaha ŭtrymańnia. U dačynieńni da jaje raspačataja kryminalnaja sprava pa č. 2 art. 218 (naŭmysnyja źniščeńnie albo paškodžańnie majomaści) KK RB, sankcyja jakoj praduhledžvaje da 10 hadoŭ pazbaŭleńnia voli.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary