Eks-kiraŭnik pieradvybarčaha štaba Donalda Trampa Poł Manafort źmieščany pad chatni aryšt, takaja ž miera strymańnia vybrana ŭ dačynieńni da jaho namieśnika Ryka Hiejtsa. Pra heta paviedamlaje Bloomberg. Rasśledavańnie viadzie śpiecprakuror pa rasijskich spravach Robiert Miuler.
Takoje rašeńnie pryniaŭ Fiederalny sud Vašynhtona. Ich aryštavali zychodziačy z bojazi, što jany mohuć pakinuć krainu: i Manafort, i Hiejts admovilisia pryznavać vinu.
U paniadziełak, 30 kastryčnika, eks-kiraŭniku pieradvybarnaha štaba Trampa Połu Manafortu i jaho biznes-partnioru Ryku Hiejtsu pradjavili abvinavačvańni pa 12 punktach, u tym liku ŭ admyvańni hrošaj i tajemnaj zmovie.
Pad zmovaj majucca na ŭvazie parušeńni praviłaŭ viadzieńnia łabisckaj dziejnaści: Manafort pracavaŭ u intaresach byłoha prezidenta Ukrainy Viktara Janukoviča i Partyi rehijonaŭ.
Dla taho kab schavać dachody ad łabisckaj dziejnaści, Manafort i Hiejts stvaryli sietku kampanij, partniorstvaŭ i bankaŭskich rachunkaŭ: 17 kampanij z ZŠA, 12 z Kipra i h.d. Zhodna z pazicyjaj abvinavačvańnia, praz afšory prajšło bolš za $ 75 młn. Manafortu ŭdałosia ŭvieści ŭ lehalny abarot $ 18 młn, Hiejtsu - $ 3 młn. Pa padlikach Associated Press, Manafortu pahražaje da 80 hadoŭ turmy.
Manafort uznačalvaŭ pieradvybarčy štab Tramp z maja pa žnivień 2016 hoda. Pa dadzienych Politico, jaho adpravili ŭ adstaŭku z-za niezadavolenaści siamji Trampa suviaziami Manaforta z Rasijaj i Ukrainaj.
Tramp, kamientujučy pradjaŭleńnie abvinavačvańniaŭ Manafortu, zajaviŭ, što «ŭsio heta było za hady da taho, jak Poł Manafort staŭ častkaj kampanii». «Akramia taho, niama nijakaj tajnaj zmovy!» - dadaŭ prezident ZŠA.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary