Uładzimir Niaklajeŭ źviarnuŭsia ŭ svaim fejsbuk-akaŭncie z adkrytym listom da staršyni Biełteleradyjokampanii Hienadzia Davydźki i hałoŭnaha redaktara «SB» Paŭła Jakuboviča.
Paet i były kandydat u prezidenty zaklikaŭ abodvuch čynoŭnikaŭ acanić, ci słušna jon byŭ pakarany sudom za vykazvańnie dla telekanału «Biełsat» pra minskuju akcyju pratestu 21 kastryčnika.
1 listapada ŭ Leninskim rajonnym sudzie Miensku Ŭładzimira Niaklajeva pakarali 10 sutkami administracyjnaha aryštu za słovy — «Kali jość vola baranić svaje pravy, dyk treba vychodzić i baranić». Hetyja słovy sud paličyŭ zaklikam da ŭdziełu ŭ niesankcyjanavanym vuličnym mierapryjemstvie. Paet i palityk śćviardžaje, što nie zaklikaŭ da ŭdziełu.
«Ja źviartajusia da vas nie z tym, kab vy za mianie chadajničali, prasili — nie. Ja chaču tolki, kab vy ź dziaržaŭnaha boku, jak kiraŭniki viadučych dziaržaŭnych ŚMI, dali prafiesijnaje zaklučeńnie adnosna pryčyny, pa jakoj sud pastanaviŭ mianie źniavolić. Jość u tekście intervju zaklik da ŭdziełu ŭ akcyi 21 kastryčnika, jość padstavy dla turemnaha źniavoleńnia, ci niama? Tak — ci nie? Tolki heta. Bolš ničoha».
Paśla Uładzimir Niaklajeŭ prapanuje čynoŭnikam zaprasić jaho da ŭdziełu ŭ pieradačy «Kłub redaktaroŭ» na dziaržaŭnym telebačańni.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii2828
Kamientary