Deputat Pałaty pradstaŭnikoŭ, staršynia Tavarystva biełaruskaj movy Alena Anisim 13 listapada pabyvała na pryjomie ŭ kiraŭnicy prezidenckaj administracyi Natalli Kačanavaj. Razmova išła pra sučasny stan i pierśpiektyvy Połacku, dzie naradziłasia Kačanava, piša Radyjo Svaboda.
— Ja kazała pra toje, što Połack zasłuhoŭvaje taho, kab jon atrymaŭ śpiecyjalny status, kab jon raźvivaŭsia. Bo jahonaje miesca ŭ dziaržaŭnaści Biełarusi, u jaje historyi niezasłužana adsunutaje. My syšlisia z Natallaj Ivanaŭnaj u tym, što treba šanavać svaju historyju. I jana, i ja pryvodzili prykłady, jak u roznych krainach šanujecca litaralna kožny histaryčny kamień. A Połack, Połackaja ziamla — jany pranizanyja biełaruskim ducham. Tam prosta ŭsio havoryć pra biełaruskuju dziaržaŭnaść, — havoryć Alena Anisim.
Deputat padkreślivała, što dla istotnych zruchaŭ horadu nieabchodna nadać adpaviedny status i padrychtavać stratehičny płan jaho raźvićcia:
— Kab kožny čałaviek: i hramadzianin Biełarusi, i luby turyst — byli ŭ zachapleńni.
Alena Anisim skazała, što reakcyja spadaryni Kačanavaj była stanoŭčaja:
— Mnie zdajecca, što ŭsie, chto naradziŭsia na hetaj ziamli, niezaležna ad svajho ciapierašniaha statusu, niejak abjadnoŭvajucca. Jak toj ža Navum Halpiarovič, jaki stała žyvie ŭ Minsku, ale rehularna pryjazdžaje ŭ Połack. Prablema ŭ tym, kab spačatku vyznačycca, što i jak my chočam zrabić. I pad heta rychtavać kankretny płan, rabić kankretnyja kroki.
Anisim dumaje, što ciapier treba stvaryć hrupu ludziej, jakaja razam ź miascovymi ŭładami zojmiecca padrychtoŭkaj takoha płanu. Inicyjatyva pavinna zychodzić ad miascovaj supolnaści. Bo, jak pierakanałasia Alena Anisim, lepiej atrymlivajecca, kali jość ruch źnizu i padtrymka źvierchu.
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary