Surjoznaja avaryja na darozie Bielica — Žałudok — Ražanka (Ščučynski rajon) zdaryłasia ŭ niadzielu kala 17:00. Vidavočca patelefanavaŭ ratavalnikam i paviedamiŭ, što sutyknulisia «Sieat» i «Rovier».
U aŭtamabili «Sieat» elemientami kuzava byli zacisnuty 18-hadovy kiroŭca i pasažyrka, jaho adnahodka. Jany byli debłakavanyja i pieradadzienyja supracoŭnikam chutkaj dapamohi, adznačyli ŭ Hrodzienskim abłasnym upraŭleńni MNS. Taksama miedycynskaja dapamoha akazvałasia jašče adnamu pasažyru «Sieata» i čatyrom čałaviekam, jaki jechali ŭ «Roviery».
Jak paviedamiła «Hrodzienskaja praŭda», piaciora z paciarpiełych u avaryi špitalizavanyja, pryčym čaćviora — u reanimacyjnaje adździaleńnie.
«Ź pierałomami ściohnaŭ dastaŭleny 17-hadovaja dziaŭčyna i 18-hadovy chłopiec, u 22-hadovaha mužčyny dyjahnastavany razryŭ tonkaj kiški. Čaćviorty pacyjent — 17-hadovy junak — atrymaŭ čerapna-mazhavuju traŭmu», — paviedamili ŭ balnicy.
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy10
Kamientary