Vartaja ŭvahi situacyja adbyłasia ŭ Minsku. A reakcyja kiroŭcy siniaha «Reno Łohan» i jaho pavodziny ŭ niezvyčajnych abstavinach, biezumoŭna, vartyja pavahi.
Kiroŭca «Łohana» stajaŭ u druhoj pałasie na vulicy Aeradromnaj i čakaŭ, pakul stały piešachod piarojdzie darohu da kanca. Krajniaja pravaja pałasa ŭ hety čas była volnaja, i pa joj imkliva padjazdžała «Mazda». Kiroŭca taho aŭtamabila bačyŭ zialonaje śviatło i nie źbiraŭsia spyniacca. Mahła adbycca trahiedyja.
Kab jaje praduchilić, kiroŭca «Łohana» vykruciŭ styrno, «zabłakavaŭ» susiedniuju pałasu i zacisnuŭ tormaz. Kali b kiroŭca «Mazdy» i nie paśpieŭ zatarmazić, to ŭdaryŭ by pa susiednim aŭtamabili, a nie pa čałavieku. Na ščaście, avaryi ŭdałosia paźbiehnuć.
Kamientary