Adna z najbolš pradavanych u śviecie knih vyjdzie pa-biełarusku — padtrymajcie prajekt
Adna z najbolš pradavanych u śviecie knih rychtujecca da vydańnia pa-biełarusku. Heta «Leŭ, viadźmarka i harderob», jakaja ŭvachodzić u stvorany brytanskim piśmieńnikam Kłajvam Ljuisam cykł «Chroniki Narnii».
Kniha była nadrukavanaja ŭ 1950 hodzie, i z taho času stała lubimym čytańniem miljonaŭ dziaciej pa ŭsim śviecie.
Vychad biełaruskaha pierakładu płanujecca ŭ zasnavanaj Andrejem Kimam i Alaksiejem Šeinym sieryi «Dobraja kniha», u jakoj užo pabačyli śviet «Maleńki Prync» A. de Sent-Ekziupiery i pieršaja z «Chronik Narnii» apovieść — «Plamieńnik čaraŭnika».
«Leŭ, viadźmarka i harderob», napeŭna, druhaja pa važnaści kniha ŭ maim žyćci, — adznačaje pierakładčyk Andrej Kim. — Ź dziacinstva, adkapaŭšy jaje ŭ zakinutaj kupie knižak, ja pieračytvaŭ hetuju kazku mo tuzin razoŭ. Hetaja kniha, jak i ŭsia sieryja «Narnii», mocna paŭpłyvała na farmavańnie mianie jak asoby; patłumačyła dziciaci pra dabro i zło; pra toje, što za dabro treba zmahacca; pra toje, što, navat kali zło zdajecca macniejšym, praŭda zaŭždy pieramoža».
«Chroniki Narnii» — załataja kłasika brytanskaj litaratury. K. S. Ljuis razam z Dž. R. R. Tołkinym (tryłohija «Uładar piarścionkaŭ») ličacca zasnavalnikami i najlepšymi pradstaŭnikami žanru fentezi.
Pravy na knihu i ilustracyi mastački Paŭliny Bejns nabytyja ŭ vydaviectva HarperCollins. Vokładku stvaraŭ adzin z najlepšych biełaruskich ilustrataraŭ Raman Sustaŭ.
Na płatformie «Tałaka» abvieščany zbor srodkaŭ na vydańnie biełaruskaha pierakładu. Toj, chto achviaruje 14 rubloŭ, atrymaje samu knihu (i heta budzie našmat tańniej, čym potym kupić u kramie). Za 24 rubli možna budzie atrymać hetuju knihu plus jašče «Chroniki Narnii. Plamieńnik čaraŭnika», jakaja vyjšła letaś. Za bolšyja sumy padtrymki inicyjatary vydańnia abiacajuć bolš roznych padarunkaŭ.
A paśla Novaha hodu nas čakaje jašče adzin siurpryz: 5-7 studzienia film «Leŭ, viadźmarka i harderob» u biełaruskaj ahučcy možna budzie ŭbačyć u kinateatry «Maskva».
Padtrymać prajekt i zakazać knihu pa mienšym košcie možna tut.
Ale treba paśpiašacca: da zakančeńnia zboru zastałosia 11 dzion.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j13
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary