Žančyna razmazała mienstrualnuju kroŭ pa tvary, kab skazać: nie treba jaje saromiecca
Byłaja cyrulnica, 26-hadovaja Jaźmina Džejd, praviała doma «śviaty rytuał»: razmazała pa tvary mienstrualnuju kroŭ i zafiksavała hety praces na kamieru, a paśla padzialiłasia fotazdymkami i videa ŭ sacsietkach. Navošta?
Dziaŭčyna kaža, što jana, jak i mnohija inšyja dziaŭčaty, usio žyćcio usprymała mienstruacyju jak niešta saramlivaje, pra što ŭ hramadstvie pryniata maŭčać i chavać heta.
«Ja naniesła kroŭ na svoj tvar, kab narešcie abjadnacca z maim ciełam. Heta pahłybiła maju suviaź ź im. Ja adčuła luboŭ da siabie, jakaja raniej mnie była nieviadomaja», — patłumačyła ŭ svaim instahramie Jaźmina.
Šmat chto raskrytykavaŭ «rytuał» i nazvaŭ dziaŭčynu «pacyjentkaj psichijatryčnaj kliniki». Ale jana kaža, što nikoli nie adčuvała siabie tak dobra, jak paśla hetaha ŭčynku.
«Ja nie zaklikaju paŭtarać. Ja prosta chaču, kab žančyny zrazumieli, što nie treba hetaha chavać i ličyć infarmacyju pra cykły kanfidencyjnaj. Chaču, kab heta pierastała być tabu. Kroŭ — heta mahija: kali b my nie krovatačyli, nie było b žyćcia», — padsumoŭvaje dziaŭčyna.
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»12
Kamientary