Jakija — možna budzie daviedacca 10 lutaha, padčas kancerta ŭ Minsku.
10 lutaha adbudziecca kancert barda Viktara Šałkieviča «Z vyšyni 59 years old» u małoj zale KZ «Minsk». Toje, što kancert vypaŭ na nastupny dzień paśla dnia naradžeńnia barda, akazałasia vypadkovaściu.
«Heta adzinaja zručnaja data, jakuju nam zaprapanavała KZ Minsk, — havoryć Viktar. — Kancert robicca raz na hod, heta, chutčej za ŭsio, sihnał maim hledačam i słuchačam: «Ja žyvy i zdarovy, prychodźcie!».
Kali jany prychodziać, heta taksama aznačaje, što jany žyvyja i zdarovyja, i tady kancert možna pačynać.
Na kožnym kancercie byvaje niešta novaje i cikavaje, i hety kancert vyklučeńniem nie stanie.
Razam sa mnoju vystupiać pijanist Anatol Kandyba i hitaryst Jury Chiłaviec — heta maje staryja dobryja siabry i prystojnyja muzyki!
U minułym hodzie ja zapisaŭ na studyi hukarežysiora Viačasłava Bankieviča ŭ Baranavičach novy albom, jon vyjdzie ŭ hetym hodzie, a kali i jak jon budzie nazyvacca zaležyć ad vydaŭcoŭ i mastaka Alesia Surava. Mahčyma, u hetym hodzie vyjdzie kaladnaja opiera «Halilejskaja historyja».
Da pabačeńnia na kancercie!»
Kancert Viktara Šałkieviča projdzie ŭ Małoj zale KZ «Minsk» 10 lutaha. Pačatak a 19 hadzinie
Kvitki kaštujuć ad 15 da 25 rubloŭ.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary