U červieni 2017 hoda ź JEAES abmiarkoŭvali pytańnie ŭnifikacyi limitaŭ na mižnarodnyja pasyłki da 200 jeŭra. Heta značyć, što Rasija i Kazachstan mohuć źnizić svaje limity z 1000 jeŭra da 200, a naša kraina naadvarot — padniać z 22 jeŭra da 200. Śpiecyjalisty Dziaržaŭnaha mytnaha kamiteta skazali, što ŭ najbližejšy čas biełaruskija limity na biaspošlinnyja paštovyja adpraŭleńni z-za miažy nie źmieniacca.
— U ciapierašni čas dziejučy limit zachoŭvajecca, — skazaŭ načalnik upraŭleńnia arhanizacyi mytnaha kantrolu Dziaržaŭnaha mytnaha kamiteta Dźmitryj Kavalonak. —Što tyčycca Respubliki Biełaruś, to niejkich źmianieńniaŭ u samy bližejšy čas nie čakajecca. Ale jak tolki ŭstupić u siłu rašeńnie savieta Jeŭrazijskaj ekanamičnaj kamisii, u nas budzie dalejšaja mahčymaść dla pierahladu.
U Mytnym kamitecie kažuć, što z pryniaćciem limitu ŭ 22 jeŭra patok pasyłak nie spyniŭsia. I kali ŭ 2015 hodzie ŭ Biełaruś pryjšło kala 6,5 miljonaŭ pasyłak z-za miažy, to ŭ minułym hodzie ŭžo 11 miljonaŭ.
Kamientary