Ministr zamiežnych spraŭ Niderłandaŭ Chalbe Ziejłstra (Halbe Zijlstra) syšoŭ u adstaŭku paśla pryznańnia, što jon schłusiŭ ab sustrečy z Pucinym u 2006 hodzie.
Pra heta paviedamlaje NOS.
U aŭtorak u parłamiencie Niderłandaŭ byli zapłanavany debaty adnosna jaho pryznańnia. Adnak u pačatku pasiadžeńnia Ziejłstra zajaviŭ, što sychodzić u adstaŭku.
Jon nazvaŭ svaju vydumku «samaj vialikaj pamyłkaj u jaho palityčnym žyćci».
«Niderłandy zasłuhoŭvajuć ministra zamiežnych spraŭ, jaki nie vyklikaje nijakich sumnievaŭ», — skazaŭ Ziejłstra.
Raniej paviedamlałasia, što kiraŭnik MZS Niderłandaŭ Chalbe Ziejłstra pryznaŭsia, što schłusiŭ ab svajoj prysutnaści na sustrečy z Pucinym u 2006 hodzie, dzie rasijski prezident raspaviadaŭ pra płany stvaryć «Vialikuju Rasieju».
Hadami Ziejłstra śćviardžaŭ, što byŭ u zadnim pakoi na dačy Pucina, kali pačuŭ, jak prezident RF vyznačaje «Vialikuju Rasieju» jak Rasieju, Biełaruś, Ukrainu i krainy Bałtyi, dadaje, što «mieć Kazachstan taksama dobra».
Kiraŭnik MZS pryznaŭsia, što sam nie prysutničaŭ na sustrečy, ale daviedaŭsia pra hetuju infarmacyju ad nadziejnaj krynicy, jakuju vyrašyŭ abaranić chłuśnioju pra svaju prysutnaść.
Pryznańnie źjaviłasia ŭ niazručny momant dla Ziejłstra. U aŭtorak jon pavinien byŭ vylecieć u Maskvu na svaju pieršuju aficyjnuju sustreču z rasijskim kaleham Siarhiejem Łaŭrovym.
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram2
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary