U Biełarusi zakryli prajekt pa ŭstanoŭcy «butelkamataŭ». Heta była ŭžo nie pieršaja sproba
U Biełarusi zakryli prajekt pa ŭstanoŭcy «butelkamataŭ». Hetyja aparaty, jakija taksama nazyvajuć taramatami ci fandamatami, dazvalajuć zdać płastykavyja butelki i aluminijevyja blašanki i atrymać naŭzamien kampiensacyju, čaściej za ŭsio ŭ vyhladzie źnižkavych kuponaŭ na pakupki ŭ roznych kramach, piša Blizko.by.
Paviedamleńnie pra zakryćcio prajekta źjaviłasia ŭ dadatku EcoPlatform, hetuju ekasistemu raźvivaje rasijskaja kampanija «Inavacyjnaja ekałahičnaja płatforma».
Paviedamlajecca, što fandamaty davodzicca zakryvać z-za rostu vydatkaŭ i składanaj łahistyki.
Za čas pracy ŭ Biełarusi było sabrana bolš za 10,5 miljona blašanak i butelek.
Niahledziačy na toje, što takim čynam tearetyčna sapraŭdy možna było nakapić niamała źnižkavych rubloŭ, sami «butelkamaty» pracavali vielmi niestabilna: raz-poraz jany byli pałamanymi abo prosta nie pracavali. Akramia taho, ich vielmi chutka zapaŭniali, a razhružali nie tak časta, jak hetaha chaciełasia b karystalnikam.
Urešcie, prahrama prosta paviedamlała karystalniku niasłušnyja ličby, i kali toj prychodziŭ z poŭnaj sietkaj da nibyta volnaha taramata, to moh sutyknucca z tym, što toj pierapoŭnieny ci zabłakavany. Z 12‑ci minskich taramataŭ adnačasova mahli być niadziejnymi adrazu pałova ci navat bolš.
U dadatku jość sistema rejtynhaŭ, jakaja pakazvaje, kolki blašanak i butelek zdali praz roznyja butelkamaty. U Minsku rekord ustanaviŭ niechta Ŭ ź nievierahodnym pakazčykam 92 280 blašanak i butelek.
Ale heta nie adzinaja inicyjatyva pa pryjomie ŭ nasielnictva płastykavych butelek. Blizko.by raskazvaŭ: jašče ŭ sakaviku 2020‑ha pastajanny taramat źjaviŭsia ŭ hipiermarkiecie Green u handlovym centry «Skała» na rahu vulic Prytyckaha i Pietrusia Hlebki. Heta byŭ sumiesny prajekt «Alivaryi» i sietki Green.
Darečy, jašče ŭ 2019 hodzie ŭ krainie pavinna była zapracavać ahulnarespublikanskaja depazitna-załohavaja sistema z taramatami pa ŭsioj Biełarusi, jakija b prymali blašanki i butelki pa fiksavanaj canie (aryjencirovačna 20 kapiejek). Paśla ŭkaranieńnie sistemy adkłali na 2021 hod, paśla na 2024-j, a potym i zusim vyrašyli adkłaści jaje ŭ vielmi dalokuju šufladu. Ciapier prybliznyja terminy zapusku sistemy — až 2035‑y (!!!) hod. Pryčym bieź nijakich harantyj, viadoma ž.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary