Orhii, iłžeabrady i ałkahol. Na Viciebščynie zatrymali kiraŭnika siekty
HUBAZiK sa śpiecnazam zatrymlivali 40‑hadovaha žychara Viciebščyny, jaki kiravaŭ siektami, paviedamlaje MUS. Zhodna z paviedamleńniem milicyi, mužčyna zarablaŭ na płatnych anłajn– i afłajn-rytuałach, a taksama źbiraŭ hrošy na chram, adnak uvieś prybytak traciŭ na ałkahol i arhanizoŭvaŭ orhii.
Jak piša MUS, 40‑hadovy žychar Viciebščyny arhanizavaŭ i kiravaŭ dziejnaściu psieŭdarelihijnych arhanizacyj, siekt, u tym liku pryznanych ekstremisckimi. Dla papularyzacyi svajoj dziejnaści i pryciahnieńnia novych paśladoŭnikaŭ mužčyna stvaryŭ i administravaŭ akaŭnty ŭ sacsietkach, dzie nie tolki prapanoŭvaŭ carkoŭnyja pasłuhi, ale i raźmiaščaŭ parnahrafičnyja materyjały.
Hrošy, jakija jon źbiraŭ nibyta na ŭładkavańnie chrama, traciŭ na ałkahol, paviedamlaje milicyja.
Pavodle MUS, u svaim domie mužčyna arhanizoŭvaŭ hrupavyja orhii, u jakich sam prymaŭ udzieł. Pry hetym nie papiaredžvaŭ partnioraŭ pra svoj stanoŭčy VIČ-status, staviačy ich u niebiaśpieku zaražeńnia. Akramia taho, padviarhaŭ hvałtu znajomaha, u suviazi z čym toj vykazvaŭ namiery pra samazabojstva.
Mužčyna raniej adbyvaŭ pakarańnie za raspusnyja dziejańni ŭ dačynieńni da niepaŭnaletnich, raspaŭsiudžvańnie parnahrafičnych materyjałaŭ, a taksama za kradziež relihijnych pradmietaŭ.
Zatrymany źmieščany ŭ IČU.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary