Deputat Varaniecki: Uładam patrebny Dzień Voli. Ni admieny, ni čornych śpisaŭ nie budzie
Dazvoł na śviatkavańnie Dnia Voli ŭ centry Minska staličnyja ŭłady nie anulujuć i nijakich «čornych śpisaŭ» muzykantaŭ ź liku ŭdzielnikaŭ kancerta la Opiernaha teatra nie budzie. Bo ŭłada sama zacikaŭlenaja ŭ tym, kab hodna adśviatkavać stahodździe Biełaruskaj Narodnaj Respubliki.
Pra heta ŭ žyvym efiry Jeŭraradyjo zajaviŭ staršynia Pastajannaj kamisii pa mižnarodnych spravach Pałaty pradstaŭnikoŭ Valeryj Varaniecki.
«Ja ŭpeŭnieny, što takoha nie moža być. Tyja, chto ličyć, što dazvoł byŭ atrymany, dziakujučy tamu, što apazicyja dacisnuła ŭładu, mocna pamylajucca. Bo ŭłada sama zacikaŭlenaja ŭ tym, kab było stabilnaje raźvićcio, kab umacavać hramadstva, nacyjanalnuju samaśviadomaść i hetak dalej. Prosta vielmi važna, kab i druhi bok razumieŭ, što nijakija pravakacyi nie patrebnyja. Siońnia treba dumać pra krainu, dziaržavu, pra budučyniu našu, a nie pra realizacyju svaich biahučych ambicyj. Mienavita tamu ja ŭpeŭnieny, što ŭłady majuć samyja surjoznyja namiery.
Što hety dzień dla nas, śviata ci pratestnaja akcyja? Kali my kažam, što heta śviata, a my kažam, što heta śviata, to davajcie śviatkavać!» — skazaŭ jon.
Pa słovach Valeryja Varanieckaha, ułady razumiejuć, što siońnia vielmi važnym elemientam biaśpieki dziaržavy źjaŭlajecca kansalidacyja nacyi. A kansalidavać i abjadnoŭvać nacyju možna tolki na svajoj nacyjanalnaj historyi, svaich nacyjanalnych tradycyjach. Adnym z takich kansalidujučych biełarusaŭ faktaŭ źjaŭlajecca 25 sakavika 1918 hoda. Heta ŭłady nie tolki ŭśviadomili, ale i pryniali jak fakt. Tym nie mienš, kaža deputat, pakul kazać pra mahčymaść pryznańnia Dnia Voli ŭ jakaści dziaržaŭnaha śviata zarana.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary