Za chabar kaŭbasoj i śpirtnym padpałkoŭnika ź Piečaŭ prysudzili da čatyroch hadoŭ z kanfiskacyjaj
Siońnia sud Barysaŭskaha rajona abviaściŭ pryhavor byłomu načalniku fizičnaj padrychtoŭki 72-ha vučebnaha centra Dźmitryju Kisiełaru. Padpałkoŭnika ź Piečaŭ prysudzili da čatyroch hadoŭ pazbaŭleńnia voli ŭ kałonii va ŭmovach ŭzmocnienaha režymu, taksama ŭ jaho kanfiskujuć majomaść i pazbaviać zvańnia «padpałkoŭnik». Fihuranta kryminalnaj spravy ŭziali pad vartu ŭ zale suda, pieradaje TUT.BY.
Vystupajučy z apošnim słovam u sudzie, Dźmitryj Kisiełar całkam pryznaŭ vinu.
— Ščyra raskajvajusia i hatovy panieści pakarańnie. Tym nie mienš, prašu ab miłaści. Ja jašče poŭny sił, chaču prynieści karyść dziaržavie i hramadstvu, zajmacca fizičnym vychavańniem dziaciej, — kazaŭ Dźmitryj Kisiełar. — Štohod ja pravodziŭ zbory z moładździu, pryvivaŭ im luboŭ da radzimy i pačućcio patryjatyzmu. U mianie ciažkaje zachvorvańnie, treba darahoje lačeńnie. Znachodziačysia ŭ miescach pazbaŭleńnia voli, nie zmahu zabiaśpiečvać siabie lekami. Mnie treba pracavać. (…) Kali sud praciahvaje čałavieku sałominku, jon zaŭsiody za jaje ŭchopicca. Nie pazbaŭlajcie mianie voli.
Pra toje, što padpałkoŭnik biare chabar, stała viadoma ŭ 2016 hodzie. Za pierazdaču ekzamiena pa fizičnaj padrychtoŭcy Kisiełar prasiŭ u vajennasłužačych pakiet z «načyńniem»: śpirtnoje, cukierki, kaŭbasu, kavu. Heta byŭ standartny nabor dla ŭsich, chto chacieŭ atrymać dobruju adznaku.
U svajoj pramovie advakat Dźmitryja Kisiełara adznačyła, što kamandziry čaściej sami padšturchoŭvali jaho na ździajśnieńnie złačynstva. Niezdavalniajučaja adznaka pahražała kiraŭnictvu pazbaŭleńniem premii ŭ 80 rubloŭ. Usiaho ŭ spravie fihuruje bolš za 20 epizodaŭ atrymańnia chabaru.
Da abviaščeńnia prysudu Dźmitryj Kisiełar zastavaŭsia na voli. Pačuŭšy pra toje, jak prakuror napiaredadni zapytaŭ dla jaho čatyry hady pazbaŭleńnia voli, advakat abvinavačanaha skazała:
— Na prysud biarycie sumku z rečami, choć nie vyklučana i adterminoŭka.
Siońnia ŭ Barysaŭskim sudzie padpałkoŭnik byŭ uziaty pad vartu. Prysud nie ŭstupiŭ u zakonnuju siłu i moža być abskardžany.
Minčanka vybiła piarednija zuby na samakacie, straciła praz heta muža, ale ciapier źbiraje miljony prahladaŭ u tyktoku2
Kamientary