Suprać hrupy rasijanaŭ i biełarusaŭ, aryštavanych u Tajłandzie za praviadzieńnie nielehalnaha «seks-treninhu», praciahvajuć vyłučać abvinavačvańni. Pra heta ria.ru paviedamiŭ śledčy haradskoha adździeła kryminalnaj palicyi Patai.
Zajavy prychodziać u tym liku suprać Anastasii Vašukievič (Naści Rybki) i Alaksandra Kiryłava (Aleksa Leśli).
Krynica raspaviała, što jamu asabista pastupiła zajava ad dźviuch rasijanak ab seksualnym damahańni z boku adnaho z členaŭ aryštavanaj hrupy. Astatnija prachodziać jak saŭdzielniki.
«Nie viedaju ŭsich padrabiaznaściaŭ, inšymi zajavami zajmajucca inšyja śledčyja. Adnak mahu skazać, što abvinavačvańni ŭ dačynieńni da arhanizataraŭ «seks-treninhu» jašče pastupajuć, zajaŭ ŭžo nie mienš za try, miarkujučy pa tym, što kažuć maje kalehi, mohuć być jašče <…> «, - udakładniŭ jon.
Advakatu Satchapchonu Sijochu, jaki viadzie «pieršuju» spravu hrupy Leśli i Rybki (ab niezakonnaj pradprymalnickaj i pracoŭnaj dziejnaści), viadoma ab sieryi novych zajaŭ. «Ciapier ja vyśviatlaju padrabiaznaści. Maje padabaronnyja ŭsio jašče znachodziacca ŭ Centry časovaha ŭtrymańnia imihracyjnaj palicyi ŭ Banhkoku», - raspavioŭ jon.
U vypadku pradjaŭleńnia novych aficyjnych abvinavačvańniaŭ členaŭ hrupy pavinny znoŭ pryvieźci ŭ Pataju. Pakul palicyja pravodzić daznańnie. Advakat taksama nahadaŭ, što vyzvaleńnie pad zakład dla jaho padabaronnych niemahčyma.
Ciapier čytajuć
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary