Vosień 1655-ha. Pad ścienami Bychaŭskaha zamka, adnoj z najmahutnych fartecyjaŭ Vialikaha Kniastva Litoŭskaha, užo hod topčucca carskija vojski. Abłohu ŭznačalvaje nakazny hietman Vojska Zaparožskaha Ivan Załatarenka.
Strašnaja słava išła pra kazackaha pravadyra: pry ŭziaćci Homiela, Rečycy, Hłuska, Babrujska nie škadavaŭ ni starych, ni małych, «umyŭsia» kryvioju ludskoj. U hetuju žudasnuju vajnu pad nazvaj «Patop» ludzi zhodnyja byli zdavacca lubomu carskamu vajavodu, aby nie vampiru Załatarenku.
Paśla «podźvihaŭ» pad Minskam i Vilniaj viarnuŭsia kazacki hietman na Dniapro, «dacisnuć» Stary Bychaŭ. Śmieła vioŭ kazakoŭ u ataki, nieadnojčy vyjazdžaŭ na hierc (harcavaŭ pierad pazicyjami praciŭnika), kab adčajnaj advahaj uźniać bajavy duch.
Ni strała, ni kula jaho nie brali. Pa abodva baki linii boju ludzi vieryli, što Załatarenka — začaravany.
U hety krytyčny momant śviatary z bychaŭskaha kaścioła prapanavali miascovamu arhanistu Tamašu padstrelić Załatarenku: «Jaho demany pilnujuć. Ale nivodzin bies nie ŭstoić suprać siły ščyraj malitvy!» Adsłužyli imšu, adlili srebnuju kulu. Tamaš uziaŭ muškiet i zalez na zvanicu kaścioła, ź jakoj adkryvaŭsia vid na bastyjony.
Jakraz pačynaŭsia čarhovy šturm. U vichury boju arhanist ubačyŭ Załatarenku, jaki vioŭ u ataku kazakoŭ. Pryceliŭsia, streliŭ… Dym razyšoŭsia…
Što ž było dalej?
Pra heta zmohuć daznacca ŭdzielniki ekskursii «Lehiendy Padniaproŭja». Užo 15 krasavika «Kraina zamkaŭ» zaprašaje ŭsich achvotnych pabačyć unikalnyja miescy i pačuć staryja padańni našaj ziamli. Padrabiaźniej pra maršrut i prahramu — na sajcie zamak.by.
Dałučycca da ekskursii možna pazvaniŭšy pa numarach:
(17) 203-69-70
(17) 226-03-02
(29) 682-58-07
(29) 772-77-58Abo praz elektronnuju poštu:
Fond «Kraina zamkaŭ». UNP 690382807
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary