Staršynia Kanservatyŭna-Chryścijanskaj Partyi BNF nazvaŭ poŭnaj niečakanaściu vystup «adnaho z arhanizataraŭ śviata la Opernaha teatra z prapanovaj admovicca ad nazvy śviata Dzień Voli i pierajmienavać jaho ŭ Dzień Biełarusi», piša Radyjo Svaboda.
Na pačatku krasavika adzin z arhanizataraŭ śviatkavańnia 100-hodździa niezaležnaści Biełaruskaj Narodnaj Respubliki #BNR100 Pavał Biełavus apublikavaŭ u svaim fejsbuku novuju kancepcyju śviatkavańnia Dnia Voli. Nazvu «Dzień Voli» jon prapanavaŭ zamianić na «Dzień Biełarusi»
Paźniak ličyć, što tradycyja, jakaja skłałasia histaryčna, jość «sama pa sabie nacyjanalnaja kulturnaja kaštoŭnaść». Pra heta jon napisaŭ u artykule na sajcie bielarus.net
«Jana nie admianiajecca. Padmienu metanakiravana rabili kalanizatary i balšaviki, zychodziačy z palityčnych metaŭ vyniščeńnia kultury. Pa analahičnaj schiemie, naprykład, antybiełaruski režym śćvierdziŭ svoj mityčny «dzień niezaležnaści» 3 lipienia, kali Miensk byŭ zachopleny «savieckaj armijaj». Zrešty, takija zajavy tłumačacca tut chutčej za ŭsio palityčnaj niavopytnaściu zajaŭnika i dobrymi namierami (jakija mahli być pamyłkovymi). — napisaŭ Zianon Paźniak.
Pavodle palityka, sama ideja mieć u biełaruskim nacyjanalnym žyćci śviata «Dzień Biełarusi» — dobraja, tolki źviazać jaho, na dumku Paźniaka, varta «z pracoŭnym kalendarom, jaki jadnaje pracavitych».
Kamientary