Biełarusku zatrymali za pieravozku mihrantaŭ u Polščy. Joj pahražaje da vaśmi hadoŭ turmy
Joj taksama vyniesiena pradpisańnie ab viartańni ŭ krainu pachodžańnia i zabarona na ŭjezd u Polšču i krainy Šenhienskaj zony terminam na 10 hadoŭ.
Polskija pamiežniki zatrymali hramadzianku Biełarusi, jakaja pieravoziła traich irancaŭ i adnaho afhanca. Incydent adbyŭsia 23 vieraśnia niedaloka ad polska-litoŭskaj miažy, paviedamlaje Most.
U vioscy Krejviany polskija pamiežniki spynili dla pravierki aŭtamabil Škoda z varšaŭskimi numarami. Padčas ahladu vyśvietliłasia, što 30-hadovaja biełaruska pieravoziła ŭ sałonie i bahažniku čatyroch mihrantaŭ.
Pa danych pamiežnaj słužby, troje hramadzian Irana i adzin hramadzianin Afhanistana niezakonna pierasiekli polska-litoŭskuju miažu i nie mieli dakumientaŭ, jakija dajuć prava na ŭjezd i znachodžańnie na terytoryi Polščy.
Pavodle infarmacyi pres-słužby pamiežnaj słužby, mihrantaŭ viarnuli ŭ Litvu, a biełarusku zatrymali ŭ Polščy. U žančyny kanfiskavali aŭtamabil jak rečavy dokaz. Biełaruscy moža pahražać da 8 hadoŭ pazbaŭleńnia voli.
Joj taksama vyniesiena pradpisańnie ab viartańni ŭ krainu pachodžańnia i zabarona na ŭjezd u Polšču i krainy Šenhienskaj zony terminam na 10 hadoŭ.
Sioleta na polska-litoŭskaj miažy zatrymanyja 22 čałavieki za sadziejničańnie ŭ arhanizacyi niezakonnaha pierasiačeńnia miažy.
Ciapier čytajuć
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior7
Skandał u Barysaŭskaj balnicy: na pacyjenta źviarnuli ŭvahu praz šeść hadzin, kali ŭžo piena pajšła z rota — mužčyna pamior
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks1818
Kamientary