Stała viadoma pra treci šlub Natalli Piatkievič

Jak stała viadoma «Našaj Nivie»,

kolišniaja pieršaja namieśnica Administracyi prezidenta, «žaleznaja łedzi» biełaruskaj palityki Natalla Piatkievič pabrałasia trecim šlubam.

Adbyłosia heta nie ŭčora, ale infarmacyja asabliva nie raspaŭsiudžvałasia. 

Abrańnikam Piatkievič staŭ dypłamat Valancin Rybakoŭ.

Pavialičyć

Jon doŭhi čas byŭ pamočnikam Alaksandra Łukašenki (pryčym u tyja hady anałahičnuju pasadu zajmała i Piatkievič), paśla pracavaŭ namieśnikam ministra zamiežnych spraŭ, a ź minułaha hoda źjaŭlajecca stałym pradstaŭnikom Biełarusi pry AAN.

Pieršym mužam Natalli Piatkievič (dziavočaje proźvišča — Kraŭčanka) byŭ Uładzisłaŭ Piatkievič, kiraŭnik Nacyjanalnych spartyŭnych łatarej.

Druhim — Alaksandr Martynienka. Jon byŭ namieśnikam staršyni Biełteleradyjokampanii, a ciapier kiruje telekanałam «Biełaruś 24», aryjentavanym na zamiežža.

Natalla Piatkievič pa-raniejšamu zastajecca pad amierykanskimi sankcyjami. Adnak latać da muža ŭsio adno moža praz pravavuju kaliziju — farmalna Rybakoŭ moža zaprasić jaje da siabie pa linii AAN, a nie ŭ ZŠA jak dziaržavu.

Adzinaje, što Piatkievič nie zmoža karystacca za akijanam vyhodami, jakija patrabujuć identyfikacyi asoby, kštałtu atrymańnia paśviedčańnia kiroŭcy ci adkryćcia rachunku.

Niekali Piatkievič aburałasia staŭleńniem da jaje ŭ amierykanskich aeraportach u intervju «Ruskaj Amierycy»: 

«Paśla prybyćcia ŭ aeraport Kenedzi mianie zahnali ŭ adstojnik. Ja maju dypłamatyčny pašpart, źjaŭlajusia vysokaj słužbovaj asobaj suvierennaj dziaržavy, a mianie kala hadziny trymali ŭ adstojniku razam z pasažyrami z Afryki i inšych krain, u jakich byli surjoznyja prablemy z dakumientami», — kazała jana. 

U Piatkievič i Rybakova jość dzieci ad raniejšych šlubaŭ. Supadzieńnie, ale i jaho, i jaje syna kličuć Filip.

Pavialičyć

Pavialičyć

Natalla Piatkievič

Naradziłasia ŭ 1972 u Minsku. Jaje tata — zahadčyk stamatałahičnaj palikliniki Uładzimir Kraŭčanka, vychadziec z Novasibirskaj vobłaści.

Skončyła jurfak BDU (1994), kandydat jurydyčnych navuk.

U 2001 pryznačanaja pres­-sakratarkaj Łukašenki. U 2004—2010 — namieśnica, paśla pieršaja namieśnica kiraŭnika Administracyi prezidenta. U 2011—2014 — pamočnica Alaksandra Łukašenki, uznačalvała prezidenckuju kancylaryju.

Z 2006 joj byŭ zabaronieny ŭjezd na terytoryju Jeŭrasajuza i ZŠA.

Apošnija hady jaje imia źviazvali z kampanijaj «Šanter» miljaniera Alaksandra Šakucina.

Valancin Rybakoŭ

Naradziŭsia ŭ 1958 hodzie ŭ rasijskim Tomsku. Skončyŭ Minski dziaržaŭny linhvistyčny ŭniviersitet, prachodziŭ stažyroŭku ŭ Instytucie źniešniepalityčnaj słužby Dziaržaŭnaha departamentu ZŠA.

U 1994—1999 — pieršy sakratar pasolstva Biełarusi ŭ ZŠA. U 1999—2001 — načalnik upraŭleńnia mižnarodnaj biaśpieki i kantrolu nad uzbrajeńniami MZS. U 2001—2003 — daradca pradstaŭnictva Biełarusi pry AAN. U 2003-2005 — daradca, daradca-pasłańnik pasolstva Biełarusi ŭ ZŠA. U 2005 — načalnikam upraŭleńnia Amieryki MZS. U 2005—2006 — pasoł pa asobych daručeńniach MZS. U 2006—2013 — pamočnik Alaksandra Łukašenki, u 2013—2017 — namieśnik ministra zamiežnych spraŭ.

Z 2017 — pradstaŭnik Biełarusi pry AAN.

• 0
• 0
• 0
• 0
• 0
• 0
• 0
• 0