Praces nad biznesmienam Alaksandram Knyrovičam i jaho kalehami pa «SarmatTerma-Inžynirynh» nabližajecca da zaviaršeńnia. Prakuror prosić pryznačyć fihurantam ad 3 da 6 hadoŭ pazbaŭleńnia voli.
Prakuror Aksana Dudko nahadała: usie abaviazany płacić padatki. Ale pa viersii śledstva, supracoŭniki «SarmatTerma-Inžynirynh» niedapłacili ŭ kaznu 3,374 miljona rubloŭ. Dla hetaha padatkovuju bazu nibyta źnižali praz stvoranuju ŭ Rasii kampaniju-pasiarednik «STI-Trejdynh», aformlenuju na maci Alaksandra Knyroviča. Ździełki pamiž kampanijami DFR KDK abviaściŭ ŭjaŭnymi. Ale fihuranty nastojvajuć: syravina i pradukcyja z/u Rasiju pastaŭlalisia ŭ realnaści.
Akramia taho, biznesmienaŭ abvinavačvajuć u dačy chabaru supracoŭnikam pradpryjemstvaŭ ŽKH i enierhietyki za praviadzieńnie «zakaznych» biržavych tarhoŭ na pastaŭku termaizalavanych trub, jakija vyrablała kampanija. Tut fihurujuć sumy ŭ 5 tysiač, adnu tysiaču, 10 tysiač rubloŭ i plaška kańjaku.
Dziaržabvinavaŭca adznačyła, što Knyrovič nie chavaje: jon viedaŭ ab pieradačy chabaraŭ, choć nibyta «staraŭsia nie ŭnikać». Ale na sudzie «minimizavaŭ svaju rolu».
U vyniku prosić pryznačyć Alaksandru Knyroviču pakarańnie ŭ vyhladzie 6 hadoŭ pazbaŭleńnia voli ŭ kałonii ŭzmocnienaha režymu z kanfiskacyjaj majomaści i zabaronaj zajmać rasparadčyja pasady na praciahu 5 hadoŭ.
Maksimavu — pryznačyć 4 hady z kanfiskacyjaj i zabaronaj na 5 hadoŭ, Kuskovu - 3 hady i zabaronaj na praciahu 5 hadoŭ zajmacca pradprymalnictvam, Papoŭskamu — 4 hady pazbaŭleńnia voli.
Kamientary