Pravda.ru: Biełaruś pavinna vykanać usie ŭmovy Rasii, inakš jaje čakaje defołt
Na rasijskim internet-partale Pravda.ru źjaviŭsia čarhovy apakaliptyčny prahnoz nakont Biełarusi. Vydańnie śćviardžaje, što ekanomika Biełarusi ŭ ciažkim stanoviščy, i, kab vyratavać jaje ad defołtu, Łukašenka pavinien vykanać peŭnyja ŭmovy.
Pravda.ru ličyć, što Łukašenka siońnia sprabuje hulać ŭ dvajnuju hulniu, i nahadvaje pra admovu Biełarusi ad rasijskaj avijabazy, a taksama pasłańnie Łukašenki Trampu, dzie jon havoryć pra «partniorskija adnosiny ZŠA i Biełarusi pa stratehičnych pytańniach».
Taksama rasijskaje vydańnie nahadvaje pra zajavu Łukašenki ŭ Škłoŭskim rajonie, dzie jon zajaviŭ, što kali Biełaruś nie vykanaje ekanamičnyja zadačy i pravalicca, to joj daviadziecca iści ŭ skład inšaj dziaržavy.
Čytajcie taksama: Łukašenka prystrašyŭ čynoŭnikaŭ dałučeńniem da inšaj dziaržavy i vajnoj, «jak va Ukrainie»
Chacia Łukašenka i nie nazvaŭ kankretnuju krainu, vidavočna, što jon havaryŭ pra Rasiju.
«Mahčymy krach ekanomiki Biełarusi vymusić krainu dziela vyžyvańnia pryniać usie ŭmovy Rasii, a jany dobra viadomyja. Heta razhortvańnie ŭ Biełarusi avijabazy Rasii; stvareńnie adzinaj dla dźviuch krain valuty z emisijnym centram u Maskvie; ustanova miždziaržaŭnaha palityčnaha i ekanamičnaha orhana nakštałt Jeŭrakamisii, rašeńni jakoha buduć abaviazkovymi dla Minska»,
— piša Pravda.ru.
I tolki ŭ hetym vypadku, miarkuje rasijskaje vydańnie, Maskva adobryć «płan Maršała» dla vyratavańnia ekanomiki Biełarusi ad defołtu.
Ale Łukašenka razumieje, što realizacyja hetaha płana tolki pavialičyć zaležnaść ad Maskvy nie tolki ŭ ekanomicy, ale i ŭ palityčnych pytańniach.
Rasijskaje vydańnie piša, što Łukašenka nie choča mieć na terytoryi Biełarusi rasijskuju vajskovuju bazu, tamu što pamiataje pra historyju z Krymam i rolu VMS Rasii ŭ hetych padziejach. Aficyjny Minsk baicca, što avijabaza ŭ Babrujsku taksama moža być vykarystana nie tolki jak procivaha PRA ZŠA ŭ Polščy, ale i jak instrumient vajskova-palityčnaha cisku na Łukašenku.
Niežadańnie Łukašenki raźmiaścić u Babrujsku rasijskuju avijabazu tłumačycca taksama imknieńniem Minska dystancyjavacca ad Maskvy ŭ pytańni supraćstajańnia z Zachadam, ličyć rasijski partał. Lidar Biełarusi maje namier adnavić adnosiny z ZŠA i Jeŭrasajuzam.
Pravda.ru kanstatuje, što Łukašenku treba budzie prajści vielizarny šlach, kab adnavić davier Vašynhtona i Brusiela.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary