U Pinsku abviaścili prysud pa abvinavačvańni 41-hadovaha žychara horada, jaki try nočy spalvaŭ u piečy cieła svajoj zahinułaj maci.
26 lutaha abvinavačvany źviarnuŭsia ŭ milicyju z zajavaj ab źniknieńni bieź viestak jaho maci: maŭlaŭ, u pačatku lutaha 75-hadovaja žančyna zabrała svaje rečy i nakiravałasia ŭ nieviadomym napramku.
Pravaachoŭniki vykazali zdahadku, što źniknieńnie žančyny moža mieć kryminalny charaktar.
Paźniej mužčyna pryznaŭsia, što ŭ noč na 4 lutaha padčas svarki jon šturchnuŭ maci, u vyniku čaho jana stuknułasia hałavoj ab śmietnicu. Uviečary jon pabačyŭ, što maci pamierła. Try nočy mužčyna spalvaŭ jaje cieła ŭ chatniaj piečy.
Pieršapačatkova ŭ dačynieńni da abvinavačanaha była raspačata sprava za zabojstva, ale paźniej jana była pierakvalifikavana. U sudzie jon paŭstaŭ pa abvinavačvańni ŭ pryčynieńni mienš ciažkaha cialesnaha paškodžańnia pa nieaściarožnaści, u naŭmysnym pryčynieńni lohkaha cialesnaha paškodžańnia i ŭ ździek z trupa.
Sud pryznaŭ jaho vinavatym i pa sukupnaści złačynstvaŭ pryznačyŭ 3 hady pazbaŭleńnia voli ŭ kałonii ahulnaha režymu, paviedamlaje pres-słužba Viarchoŭnaha suda.
Prysud nie ŭstupiŭ u zakonnuju siłu i moža być abskardžany i apratestavany.
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina7
Kamientary