Biełaruskaja vystava ŭ Drezdenie
U niamieckim horadzie Drezden adbyłosia adkryćcio vystavy «Vizualny kod času: postsavieckaje mastactva płakata Biełarusi», padrychtavanaj «Ofisam za demakratyčnuju Biełaruś» pry padtrymcy niamieckaj fundacyi Robierta Boša i Amierykanskaha fonda Maršała (Bracisłava).
Vystava padkreślivaje univiersalny charaktar vynajdzienaj biełaruskimi płakatystami siemiotyki, varyjacyi ŭsprymańnia jakoj, mohuć mieć roznyja adcieńni, cikavyja i niečakanyja.
Vielmi kaštoŭnaj była adznaka, dadzienaja vystavie adnym naviedvalnikam ź Ispanii, jaki adznačyŭ, što pracy ekspazicyi karennym čynam razburajuć sfarmiravany ŭ Jeŭropie stereatyp pra saviecki płakat vyklučna jak uzor kamunistyčnaj prapahandy.
U adnym farmacie z vystavaj prachodzić šerah kulturnych mierapryjemstvaŭ, źviazanych ź Biełaruśsiu, jakija arhanizavany drezdenskaj arhanizacyjaj Kultur Aktiv u ramach fiestyvalu Rock4Peace.
Ekspazicyi płakata ŭ studenckim kłubie Aquarium (St. Petersburger Str.21 D — 01069 Dresden), jakaja prabudzie tam da kanca listapada, spadarožničajuć pakaz dakumientalnaj kinastužki «Za svabodu 1...2...3», čytańni knihi Artura Klinava «Miensk – horad SONca», vystup muzyčnaha hurta «Džambimbum». Taki tvorčy «miks» daje mahčymaść supastaŭleńnia kulturnych praduktaŭ roznaha kštałtu.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary